MOHOHUTUBA 9:10 - Alkitab Singog In Mongondow Masa In Tanaa

¹⁰ Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

MOHOHUTUBA 9:10 Iomraidhean Croise

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

NEHEMIA 2:12

Kon dodai intua diábí pinotaauku kon i ineka kon ki Allah in nobogoi in raian natua kon inakó sin moposindog bui in kotá in Yerusalem. Nopoikoḷomai doḷom nobangon in akuoi bo nonongganut kon tongonumai in yobayat minayá in ḷuai in kotá. Koḻikud in keledai inta sinakoianku, diábí in kami nodia kon biag totakoian ibanea.

NEHEMIA 4:2

Kon tayowon in totakinnea mita bo tontara in Samaria, sia in noguman, “Onu in koyogot aidan in intau Yahudi nobodito inta diá mokopongonu tua? Degá mosia in moibog moposindog bui in kotá tanaa? Kai monia kamai oaidan tatua in moḷapatbí tosinggai, tongá pongin moposumba in kuruban? Degá apat inta nádon buḷud inta ain nopokak tua in motaau baḻíon batu mita podinding?”

NEHEMIA 4:6

Kon dodai intua kami in umuranbí doman nonompia kon dinding tatua, bo diá noonggot kon tua bayongan in dinding tatua nodaitdon sinompia bui noidapot in tongobotak in koḷantudnea, sin rayat in nogaid takin ibog moḷoben.

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 10:22

dunia inta mosindip, nopuḻing in oḻinow bo notombauk, bayag notongkai in pungit.”

AYUB 21:13

Singgainea mita nouput kon bonu in kopiaan, bo minatoi in mosia kon bonu in dodamean.

MAZMUR 6:5

Pobuidon mangoi, Tuhan, bo posaḷamatdon in akuoi, posaḷamatdon in akuoi popisí in tabi-Mu.

AMSAL 3:28

Dikabí mokioḷat kon tumpaḷa intau modapot in mobangon monik, aka kon singgai tua bo motaaumupa tuḷungan in sia.

MOHOHUTUBA 11:3

Moumpagkabí naonda in pangkoi in kayu tatua, yo umuranbí doman moobat kon tampat koumpagannea. Aka goḷom mopuḻingdon in tubig, yo uyan in morogotbí doman totok in moḷabú kon butá.

MOHOHUTUBA 11:6

Ponabudon in bibitmu kon dodai in doḷo-doḷom bo dika mogogai in doḷom. Sin diábí kotaauan naton mongo bibit táonda in mopia in kobobiagnea. Dika-dika bo tumpaḷabí in sia mobiag motompia.

YESAYA 38:10

“Gumanku, bagu notombotak in umur akuoi in mustidon mayá, monimpod kon ki agat in kobiaganku kon dunia in intau minatoi.

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

PINOGIAPAN 13:30

Táe pinoonow i Kaleb in gina in intau mita inta kon tayowon i Musa. Guman i Kaleb, “Butá tatua musti tubuon naton bo agowon naton tanaa domandon mako, sin tugat bidon in intau naton monaḷow kon i monia.”

MATIUS 20:7

Mosia in notubag kon inia, ‘Kakaa diá onda intau mogoiní kon inami mogaid.’ Dá sia in noguman doman kon i monia, ‘bayádon moiko pogaid kon gobá in anggurku.’

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.

SURAT I PAULUS KON JAMAAT RUM 12:11

Tantú mokoporajing in mogaid, donaai mokopomaḷat. Pogaid kon oaidan i Tuhan takin ibog moḷoben inta nongkon Roho i Allah.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 1 16:10

Aka ki Timotius mamangoi yo kopiaanbí in motomu, sinbá diá moondok in sia bo mopia in ginanea kon yua-yuak monimu, sin sia tua in notongkaikubí, tumpaḷa mogogaid kon oaidan i Tuhan.

KORINTUS 1 9:24

Kinotaauanbí monimu kon aka kon poyotandingan, yo bayongan mototanding in komintanbí moribatuk, táe tongábí tobatú in mokouḻí kon tombuinag. Tuamai in koḻikat totok in moribatuk sinbá moiko in mokouḻí kon tombuinag tatua.

KORINTUS 1 9:26

Tuamai moribatuk in akuoi, táe oyúonbí in tujuanku motantú. Naonda bo kon poyotandingan in tinju, diábí in akuoi tongá kinokoyu-koyungkumnea.

EPESUS 5:16

Pakédon kopia in kasampatan inta oyúon kon i monimu, sin masa in tanaa in masa bidon inta moraat.

KOLOSE 3:23

Onukabí in pokiaid kon i monimu, aidaibí totu-totuu takin sanang gina, naonda bo mobantung kon i Tuhan, deemanbí tongá kon intau.

SAMUEL 1 10:7

Aka bayongan tua mobaḻí, yo aidaidon in onu inta inanggapmu mopia, sin ki Allah in kotaki-takinmu.