MOHOHUTUBA 8:7 - Alkitab Singog In Mongondow Masa In Tanaa

⁷ Diábí tobatúmai in intau in nonotaau mongo onu in mobaḻí kon inia kon singgai moiduduimai, bo diábí doman in mokopotaau mongo onu in mobaḻí.

MOHOHUTUBA 8:7 Iomraidhean Croise

ESTER 5:12

Gumannea doman, “Nodapot in ki Ratu Ester tongábí nogoiní kon inaminda i datu kon bobutungan inta inaidannea kon inami, bo ikoḷom doḷom in buínea doman inoinínea in kami.

AMSAL 24:22

Intau ná tatua in diábí moonggot bo morimumud, popisí in bodito inta pinoangoi i Allah andeka in datu in deemanbí pelekara mointok.

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

MOHOHUTUBA 10:14

Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

MOHOHUTUBA 3:22

Tuamai in kinotaauankudon kon diábí in mopia-pia kon intau koḻikudbí in momaké kon onu inta siniḷopíannea. Koḻikud intua diábí in motaau aidannea. Diábí doman inta kotaauannea mongo onu in mobaḻí naonda in sia matoi.

MOHOHUTUBA 6:12

Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

MOHOHUTUBA 9:1

Tua komintan in iraiku kinopira totok. Ki Allah in nonompia kon kobiagan in intau inta mopia bo mobijaksana, modapot in aka intau tatua moyongó andeka motabi. Diábí in monotaau mongo onu in mobaḻí kon singgai moiduduimai.

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

MATIUS 24:44

Tuamai in moiko umurandon pobasadia, sin Adí Intau in mamangoi kon wakutu inta diá monimu sinangka-sangka.”

MATIUS 24:50

Bo ki tuangnea in namangoi kon singgai inta diá sinangka-sangkanea bo kon wakutu inta diá kinotaauannea.