MOHOHUTUBA 7:8 - Alkitab Singog In Mongondow Masa In Tanaa

⁸ Mopia-piabí kon imbuit in pelekara tobatú in pangkoi in pelekara tatua; mopia-piabí kon mosabar bo dika in moiḻiu in yunggagá.

MOHOHUTUBA 7:8 Iomraidhean Croise

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

AMSAL 14:29

Intau mobijaksana diábí in sia bayá-bayá tumorú; intau bodok diá mokoigon kon ginanea.

AMSAL 15:18

Intau inta motoyong tumorú mokopomuká kon bobayowan, intau inta mosabar modia kon dodamean.

AMSAL 16:32

Diá ḷagi tumorú tuabí in mopia-pia in kokawasa; mokoigon kon gina in mopia-pia in mokotaḷow kon kotá.

AMSAL 28:25

Tongá morai kon kopontingan tontaní in mokopomukábí kon bobayowan; mountu-untungbí in iko aka mopirisaya kon i Tuhan.

MOHOHUTUBA 7:1

Tangoibí mopia in mopia-pia in ḷana inta momahaḷ; bo singgaibí kopatoian in mopia-pia in singgai kinobaḻian.

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

LUKAS 21:19

Aka moiko monahang bo mokosabar, yo mosaḷamatbí.”

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 4:2

Umuranbí pokopoompá kon dodia, mokopoaḷus kon pososingog bo umuran domandon mokoposabar. Popoontongbí in tabimu kon oaid inta moibog mosituḷungan.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

YAKOBUS 5:8

Moiko in musti mosabar doman bo moḷoben in gina, sin singgai koangoian i Tuhan in nodiugdon.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.