MOHOHUTUBA 7:2 - Alkitab Singog In Mongondow Masa In Tanaa

² Maníka bo mayá in pinatoian bo dika in mayá in rame. Sin kita in mustibí tantú monanob kon popatoi in mogoḷatbí mako kon batúan in intau.

MOHOHUTUBA 7:2 Iomraidhean Croise

MAZMUR 90:12

Degá kinotaauandon nami in kinototoyong in kobiagan naa sinbá kami in mobaḻí intau inta mobijaksana.

MOHOHUTUBA 2:14

Intau moarip mokoontong kon daḷan inta bayáannea; intau bodok naonda bo mayá sindaḷan mongokap.” Táe kinotaauanku doman kon ukur inta motongkai moiumabí kon i monia komintan.

MOHOHUTUBA 2:16

Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

MOHOHUTUBA 3:19

Naondaka, ukur in intau bo in mahaḷuk in notongkaibí. Inta tobatú in matoibí, natua doman in ibanea. Doyowa tua in tumpaḷabí mahaḷuk. Dá, intau in diábí mountu-untung nongkon mahaḷuk, sin kon inayadua tua kobiagan naa in diábí in mangaḻenea.

MOHOHUTUBA 3:20

Mosia in tumpaḷabí mayá in tampat inta notongkai. Mosia in nongkon ḷobudbí bo buibí mobaḻí ḷobud.

MOHOHUTUBA 6:6

Bo tuabí in mopia-pia nongkon intau inta nobiag doyowa nogatut notaong, táe diá kon dodai in onda nosanang. Taya dua tua tumpaḷabí minayá in tampat inta notongkai!

MOHOHUTUBA 9:2

Totuu, ukur inta motongkai in moiumabí kon batúan in intau: Intau motuḻid andeka intau mobelung in raian, intau mopia andeka intau moraat, intau modarit andeka intau nonajis, intau inta noposumba in kuruban andeka inta diá. Intau mopia in diábí mopia-pia in kobiagannea nongkon intau inta binaradosa, intau inta nongibot notongkaibí doman in intau inta doí mongibot.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

YESAYA 47:7

Kainimu kamai dá iko in mobaḻíbí bokí kinoouput in kobiagan, bo diábí kinotaauan andeka diá norai kon kopaḷutannea.

YEREMIA 16:8

Dika tumuot kon baḷoi in intau inta koyogot in nononbobutungan. Dika mongaan monginum takin i monia.

HAGAI 1:5

Tungkuḷaika, taridiai in kaadaanmu!

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

PINOGIAPAN 23:10

Buí i Yakub naonda bo ḷobud diá koiapan; bangusa Israel kobayongnea totuu mobarong. Poigumon mako in akuoi matoi saḷaku intau motuḻid poigumon mako in kopopatoiku naonda bo kopopatoi in intau mita tatua.”

MATIUS 5:4

Pia in kamang in intau inta nokuyang in gina, sin mosia tua iropotanbí in ginanea!

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.