MOHOHUTUBA 7:12 - Alkitab Singog In Mongondow Masa In Tanaa

¹² notongkai doman in doit inta mobogoi in porasaan moaman. Apa doman totaau soaḷ hikmat! Ki ine in oyúon intua yo mosaḷamat.

MOHOHUTUBA 7:12 Iomraidhean Croise

AYUB 1:10

Sia, motoḷuadínea bo bayongan in kaoyúonannea umuran iḷukadan-Mu. Oaidannea in binarakatan-Mu bo inogoian-Mu in sia in bobiagon nobayong totok kon butá tanaa.

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

AMSAL 14:20

Intau bogá in kodoíbí umpaka yobayatnea mita; táe intau nooyúon nobayong in yobayatnea.

AMSAL 2:11

Komomangaḻe bo kopopandoimu tua in moḷukad kon inimu,

AMSAL 2:7

Intau inta motuḻid in gina bo inta diá in bogit, tuḷungan-Nea poḷat ḷukadan.

AMSAL 3:18

Intau inta kumadai motantú kon hikmat in mokouḻíbí kon kobiagan inta moitutui bo mosanang.

AMSAL 8:35

Ki ine in mokouḻí kon inakó, mokouḻí kon kobiagan, sia in kinoibog i Tuhan.

AMSAL 9:11

Hikmat in mobogoi in umur moḷanggó kon inimu.

MOHOHUTUBA 10:19

Rame mokopomuká kon kosing, bo anggur mokobaḻí kon kosanang in gina. Táe paraḷubí oyúon in doit poguboḻi kon tua.

MOHOHUTUBA 2:13

Totuu, kon kinotaauanku, “Hikmat in mopia-pia in kabodokan, ná doman bayag in mopia-pia in sindip.

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

MOHOHUTUBA 9:16

Dá, totuubí in kain singogku kon hikmat naa in noiḻiubí kon ropot. Umpaka natua, hikmat in intau nobiag nobogá diá inindoianmai. Tosingogonnea diá in inindongogan.

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

YESAYA 30:2

Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YESAYA 33:6

bo mobogoi in inta moaman kon umat-Nea. Kaoyúonan inta mokosaḷamat kon i monia in kabijaksanaan bo sinotaau takin horomat kon i Tuhan.

YOHANES 12:50

Bo kinotaauan-Kubí kon parenta-Nea tatua in mobogoibí in kobiagan mopia bo mononoi. Dá Akuoi in mopotaau kon ná inta sinundú i Amá kon i-Nakó.”

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

ULANGAN 32:47

Topotundú mita tatua in deemanbí tosingogon mita inta diá in mangaḻenea, táe kobiaganmubí. Duduiaidon in bayongan parenta tatua, sinbá moumur in kobiagan monimu kon butá inta diádon moonggot bo ḻitúan monimu kon ḷoḷan in Ongkag in Yordan.”

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”