MOHOHUTUBA 7:1 - Alkitab Singog In Mongondow Masa In Tanaa

¹ Tangoibí mopia in mopia-pia in ḷana inta momahaḷ; bo singgaibí kopatoian in mopia-pia in singgai kinobaḻian.

MOHOHUTUBA 7:1 Iomraidhean Croise

AYUB 3:17

Kon tua, kon bonu in poḷoḷobongan, intau moraat in diábí mogaid kon inta moraat, bo mogogaid inta kinodaitandon in ropotnea in motaau mopoguḻí in ḷopínea.

MAZMUR 133:2

Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea.

AMSAL 15:30

Pogot mosanang mokoḷunganga kon gina, habar inta mopia mokoundam kon gina.

AMSAL 22:1

Tangoibí mopia in mopia-pia in kaoyúonan inta mobayong; kotabibí in intau in mopia-pia in ogoian saḷaka bo buḷawan.

AMSAL 25:10

Sin, iko in anggapon monia intau inta moruit in bibig bo tangoimu in mogoguyaatdon kon kinoouput in kobiaganmu.

AMSAL 27:9

Ná doman ḷana mobondu bo inta bo mongobondu ibanea mako mokosanang kon gina, natua doman in kopopia in yobayat mokoonow kon gina.

MOHOHUTUBA 10:1

Ḷangow inta minatoi mokobongkog kon ḷana mobondu tobotoḷ, kabodokan topiḻik mokoinggamá kon kapandoian inta moḷantud.

MOHOHUTUBA 4:2

Mointoi in akuoi in mokotorop kon intau mita inta ain noonggot in minatoi sin mosia in mosana-sanang nongkon intau mita inta nobiagpa.

MOHOHUTUBA 7:8

Mopia-piabí kon imbuit in pelekara tobatú in pangkoi in pelekara tatua; mopia-piabí kon mosabar bo dika in moiḻiu in yunggagá.

DONDONG MOḶANTUD 1:3

Iko in mobondu totok, tangoimu naonda bo ḷana mobondu inta noibutak; tuamai mongodeaga mita moibog kon inimu!

DONDONG MOḶANTUD 4:10

Totuu mopia in tabimu, uḻe, nonikaanku, mopia-piabí nongkon anggur. Ḷanamu totuu mobondu, mopia-pia nongkon bayongan toyokayu.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YUNUS 4:3

Tanaa, o Tuhan, pomayádon mako bá matoidon in akuoi, sin mopia-piabí kon matoi in akuoi dika in mobiag.”

LUKAS 10:20

Tongá umpakabí natua, yo dikabí mopia-pia in gina monimu sin moondok in dimukud moraat kon i monimu. Naabí in patus mokopia kon gina monimu, tangoimu aindon pinais kon soroga.”

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

KORINTUS 2 5:8

manangka intua kami in umuran mosabar. Bo moibo-ibogdon monaḷámai kon awak ilo-ilow naa, sinbá mogutundon moyotakin i Tuhan.

IBRANI 11:2

Lantaran oyúon in pirisaya, dá intau mita tungkuḷ intua kinosanang in gina i Allah.

IBRANI 11:39

Moḷoben totok in kauntungan nouḻí in intau mita tatua popisí in pirisaya monia! Táe diábí in mosia notarima kon onu inta pinodandi i Allah,

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

RUT 3:14

Dá nosiugdon in ki Rut kon sioḷan i Boas. Nobangon monik subupa totok, ki Rut nobangondon sinbá diá ontongon in intau. Sin doíbí in ki Boas aka oyúon in intau mokotaau kon ki Rut namangoi in tampat tatua.