MOHOHUTUBA 6:7 - Alkitab Singog In Mongondow Masa In Tanaa

⁷ Intau naa in mogaid tongábí bá oyúon in kaanon, táe diábí kon dodai in onda moorop in sia.

MOHOHUTUBA 6:7 Iomraidhean Croise

AMSAL 16:26

Ibog mongaan moguman kon intau sinbá mogaid; popisí in siannea, dá pakisadon in sia mogaid.

MOHOHUTUBA 1:8

Bayongan tua in mokobú bo diá bidon kosingogan in mokobú tatua. Mata naton in diábí kon dodai in onda in mobú in moindoi; bongoḷan naton in diábí doman mooro-orop in mokidongog.

MOHOHUTUBA 5:10

Kodugang-kodugang in kaoyúonan in intau dá kodugang-kodugang doman in intau ibanea in musti pokaanonnea. Diábí in kauntungan kon i toginea, tongábí kinotaauannea kon sia in nooyúon.

MOHOHUTUBA 5:9

Intau inta moibo-ibog in doit, diábí kon dodai in onda in mokorasa kon tugat in doitnea; intau inta motoboḷok, diábí mokoimontanmai in moorop in kauntungannea. Tua komintan in diábí in mangaḻenea.

MOHOHUTUBA 6:3

Umpaka intau tobatú kogadí kon adí mogatut bo moonggot in kinobiagannea nodapot in mogoguyang, táe aka sia bo diá mokorasa kon sanang in gina bo diá doman nokouḻí kon poḷobongan inta patus kon inia, dá podudui in raianku, adíbí mointok inta minatoi pinononggadí monag in mopia-pia in ukurnea nongkon intau tatua.

MOHOHUTUBA 6:8

Dá onu in kauntungan in intau moarip aka poyotongkaionmai in intau nobodok? Onu doman in mangaḻenea intau nobogá bo mopia in kon sigad in intau mobarong?

MATIUS 6:25

Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang?

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”