MOHOHUTUBA 6:3 - Alkitab Singog In Mongondow Masa In Tanaa

³ Umpaka intau tobatú kogadí kon adí mogatut bo moonggot in kinobiagannea nodapot in mogoguyang, táe aka sia bo diá mokorasa kon sanang in gina bo diá doman nokouḻí kon poḷobongan inta patus kon inia, dá podudui in raianku, adíbí mointok inta minatoi pinononggadí monag in mopia-pia in ukurnea nongkon intau tatua.

MOHOHUTUBA 6:3 Iomraidhean Croise

KINOBAḺIAN 33:5

Naonda in ki Esau nokoontong kon bayongan bobay takin adí mita tatua, sia in noḻibó, “Ki ine in mosia inta noyotakinmu tanaa?” “Mosia naa in ki adíku mita,” tubag i Yakub, “Ki Allah ain noponotabi in adí mita tatua kon inakó.”

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

DATU MITA 2 10:1

Ki Datu Ahab in kogadí bo kogompu pitu nopuḷú in kon kotá in Samaria. Tuamai in ki Yehu nokidia in surat kon Samaria, kon intau mita inta nonompia kon i adí bo ompu i Ahab bo kon pongawasa mita takin guhanga mita in ḻipú kon kotá tatua. Nanaa in bonu in surat,

DATU MITA 2 9:35

Táe naonda in intau mita minayá nogamá kon awaknea sin ḷobongon, dongkadon ḷungkakánea in nouḻí monia takin tuḷan mita in kokaḷ bo tuḷan mita in sioḷnea.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 2 11:21

Ki Rehabeam in kobuḷoi kon mopuḷú bo waḷu bo pahang in onom nopuḷú, doyowa nopuḷú bo waḷu in adí ḷoḷaki bo onom nopuḷú in adí bobay. Kon sigad in bayongan i buḷoinea bo i pahangnea tatua, ki Maakha inta totok in kinotabinea.

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

AYUB 3:11

Nongonu sin akuoi in diábí minatoi kon bonu in bobuḷadían i ináku, andeka minatoi kon dodai in pinononggadí?

AYUB 3:16

Nongonu sin akuoi in diábí pinononggadí poḷat minatoi sinbá akuoi in mosiug bo moḷoḷot totok?

MAZMUR 58:8

Biódon mako in mosia moinggamá naonda bo tubig inta gumabut, naonda bo piot inta ain notutut.

AMSAL 17:6

Inta mokoḷunganga kon intau inta ain nogoguyang in adí bo ompubí; mokoḷunganga kon adí in guyanganeabí.

MOHOHUTUBA 4:3

Táe inta mosana-sanang totok in intaubí mita inta diápa pinononggadí, sin mosia in diápa nokoontong kon inta moraat inta inaidan kon dunia naa.

MOHOHUTUBA 6:4

Sin kon adí mointok tatua in diá nobaḻí soaḷ pinononggadí in sia andeka diá; minayá in sia kon bonu in sindip, bo baḷúdon kinoḻiongan.

YEREMIA 22:19

Ki Yoyakin in uguton bo pogambatbí kon ḷuai in bonawang in Yerusalem, ná pinogogaid in intau kon keledai minatoi.”

YEREMIA 36:30

Tuamai, Akuoi, ki Tuhan, noguman kon inimu, ei Datu Yoyakim, diábí tobatúmai in nongkon buímu in momarenta mobaḻí datu buí i Daud. Mayatmu in pogambatbí kon ḷuai, onagon in patú kon dodai in singgai, bo oḷú motumping kon dodai in doḷom.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”