MOHOHUTUBA 6:12 - Alkitab Singog In Mongondow Masa In Tanaa

¹² Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

MOHOHUTUBA 6:12 Iomraidhean Croise

TAWARIKH 1 29:15

Kinotaauan-Mubí, o Tuhan, kon ná doman mogoguyang nami, kami in nobiag naa in naonda bo mokokiangoi bo intau ango-angoi. Kobiagan nami in naonda bo oḻinow inta noitaḻib, bo kami naa in diábí moiḷagui kon popatoi.

AYUB 14:2

Monubu in sia bo moḷaḷow naonda bo bungang; moinggamá naonda bo oḻinow, bodongka mobuḻi.

AYUB 14:21

Ki adínea mita in nobaḻí intau moḷoben, táe diá kinotaauannea intua. Bo aka mosia mobaḻí mohina, diábí in mopotaau kon inia.

AYUB 8:9

Kobiagan naton in notoyong, kita in diábí nonotaau kon onu bo onu; singgai mita naton naonda bo oḻinow.

MAZMUR 102:11

sin Iko in nobuatdon bo nopogambat kon inakó kon bonu in torú-Mu inta sinumaga-tagab.

MAZMUR 109:23

Akuoi in gogió bo nobuḻi naonda bo oḻinow ḷoḷabungnea, akuoi in pinomisik naonda bo pangkoḷá.

MAZMUR 144:4

Intau tua in naonda bo tompot poginaan, naonda bo oḻinow noitaḻib, natua in kobiagannea.

MAZMUR 16:5

Tuhan, tongá Iko in kinoibogku; Iko in nobogoi in bayongan inta paraḷuku, ukurku in kon bonubí in kawasa-Mu.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 4:6

Posumbadon in sosumba inta kinoibog-Nea bo popirisayadon kon i Tuhan.

MAZMUR 47:4

Pinopountung-Nea in kita kon bangusa mita, binaḻí-Nea in kita mongogawasa kon suku mita in bangusa.

MAZMUR 89:47

Modapot in toonu Iko in mogadop, o Tuhan? Modapot in toonu in torú-Mu tumagab naonda bo tuḷú?

MOHOHUTUBA 10:14

Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

MOHOHUTUBA 2:3

Kinogonúan in ginaku kon moibog moarip, moniat in akuoi moposanang in gina pongin monginum kon anggur bo momia kon rame. Kon inakókamai dá tuabí in aid inta totok in mopia kon intau mopomaké in kobiagannea inta notoyong kon dunia naa

MOHOHUTUBA 3:22

Tuamai in kinotaauankudon kon diábí in mopia-pia kon intau koḻikudbí in momaké kon onu inta siniḷopíannea. Koḻikud intua diábí in motaau aidannea. Diábí doman inta kotaauannea mongo onu in mobaḻí naonda in sia matoi.

MOHOHUTUBA 6:11

Koonggot-koonggot in pomayowannea, modugangdon diá in mangaḻe in tosingogonnea, nodapotbí in sia diá mokouḻí kon kauntungan onu bo onu.

MOHOHUTUBA 7:15

Kobiaganku in diábí in mangaḻenea, táe kon bonu in akuoi nobiag inontongku in naa: Moiḷanuimai in intau mopia moyopú, umpakabí in sia motoindudui. Moiḷanuimai doman in intau moraat moumur in kobiagannea, umpakabí in sia umuran mogaid kon dosa.

MOHOHUTUBA 8:13

Noyoḻiu kon tua, intau moraat mokouḻí kon mobayong in roriga. Kobiagannea in ḷagibí mayá naonda bo oḻinow. Sia in matoibí kon dodai in moguodpa popisí in sia diá motoindudui kon i Tuhannea.

MOHOHUTUBA 8:7

Diábí tobatúmai in intau in nonotaau mongo onu in mobaḻí kon inia kon singgai moiduduimai, bo diábí doman in mokopotaau mongo onu in mobaḻí.

MOHOHUTUBA 9:6

Porasaan tabi, yongó bo napusunea, komintan bidon matoi moyotakinnea. Diá bidon in sia mogamá kon tonsilai onuka kon bayongan onu in nobaḻí kon dunia.

MOHOHUTUBA 9:9

Paké in kobiagan takin i buḷoimu inta kinotabimu kon bonu in kobiaganmu inta diá in baragunanea, inta inogoi i Allah kon inimu kon dunia. Pakébí muḷoi in singgai umpaka diá in baragunanea. Sin tongábí tua in tondan in irorigaanmu.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.