MOHOHUTUBA 5:13 - Alkitab Singog In Mongondow Masa In Tanaa

¹³ Táe kapunyaan tatua nobuḻi popisí in roriga, dá diábí in motaau ogoi kon i adínea mita.

MOHOHUTUBA 5:13 Iomraidhean Croise

KINOBAḺIAN 14:16

Ki Abram bui nokoagow kon barang mita inta ain inagow in musung, ná doman tua in ki Lot takin bayongan in kapunyaannea, bo bobay mita takin intau mita ibanea inta dinakop monia.

KINOBAḺIAN 19:14

Bo minayádon in ki Lot nokipodungkuḷ kon tayowmobiag doyowa inta nongantangdon kon i adínea doyowa, bo poḷat noguman, “Koḻikatdon ḷuai nongkon kotá tanaa, sin yompatondon i Tuhan.” Táe kai monia kamai tongábí mobobaḻitumbuyan in ki Lot.

KINOBAḺIAN 19:26

Táe ki buḷoi Lot in nobobuibí ná tumi, dá sia in nobaḷui nobaḻí oigi simuton.

AYUB 20:20

Sin turánea in moiḻiudon totok, dá diábí in sia mooro-orop.

AMSAL 1:19

Totuu, intau inta motayak kon pakéon pongin aid inta moraat, yo nyawaneabí tontaní in toḻiunea.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

AMSAL 23:4

Dika rumoriga totok sinbá mobaḻí mooyúon. Taḷaaidon in niatmu tatua.

AMSAL 27:24

sin kaoyúonan in diábí mononoi, nodapot in kawasa momarenta in diábí doman mononoi.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 5:14

Kita in pinononggadí diá nogiḷambung; natua doman in kita monaḷámai kon dunia naa, diábí modia kon onu bo onu nongkon bayongan inta siniḷopían naton.

MOHOHUTUBA 8:9

Bayongan naa in inontongku kon tungkuḷ in sinaridiku in bayongan inta nobaḻí kon dunia naa. Oyúon intau mopomaké in kawasa nea sin mopobodito kon tumpaḷa intau.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

LUKAS 16:19

“Oyúon intau nooyúon inta umuran mogiḷambung in ḷambung inta totok in momahaḷ, bo pomuḷoi in singgai sia in umuran mokaan kon kaanon inta mongopia.

LUKAS 19:8

Kon baḷoinea tatua, ki Zakheus sinimindog bo noguman kon i Tuhan, “Tuhan, kapunyaanku tobotak ogoikudon kon intau mita bogá bo aka oyúon doman in intau inta pernadon inuboḷanku, yo pobuionkudon bui kon inia koopat noguntuḷ in kobayongnea!”