MOHOHUTUBA 4:9 - Alkitab Singog In Mongondow Masa In Tanaa

⁹ Mopia-piabí kon doyowa dika in tongá bata-batangan. Aka mogaid in mosia, siniḷopíannea in mopia-pia.

MOHOHUTUBA 4:9 Iomraidhean Croise

KINOBAḺIAN 2:18

Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.”

TAWARIKH 1 19:12

Ki Yoab in noguman kon i ai-ainea tatua, “Aka diádon in akuoi mokotongod in monayow kon tontara in Siria, yo koḷamemetdon angoi bo tuḷungai in akuoi. Natua doman, aka iko bo diádon mokotongod in monayow kon tontara in Amon, dá bayáanku bantungan in iko.

AMSAL 27:17

Naonda bo uwaja mogatá kon uwaja, natua doman in intau mobalajar kon tumpaḷa intau.

MOHOHUTUBA 4:10

Aka tobatú moḷabú dá ibanea in motuḷung kon inia. Táe aka intau tobatú moḷabú, bokaka tongá sia-sia mita, yo mobodito in sia, sin diá in motaau motuḷung kon inia.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.

PINOGIAPAN 11:14

Diá in akuoi mokopotaan kon oaidan ná tua in koḷoben; mobogat totok kon inakó in oaidan tatua!

MARKUS 6:7

Inoiní-Nea in murí mopuḷú bodoyowá bo pinotabá tumododoyawa, bo mosia in inogoian-Nea in kawasa moguntun kon dimukud mita moraat.

YOHANES 4:36

Bo tanaapabí doman mako bo intau inta mokokoyut tua in motarima kon tondan in pinogaidannea bo mosipundon kon bungai in kobiagan mopia bo inta mononoi. Dá intau inta nomuḷa bo inta nokoyut tumpaḷabí moḷunganga in gina.

OUMAN IN RASUL MITA 13:2

Kon singgai tobatú wakutu in mosia nosambayang kon i Tuhan bo nopuasa, Roho i Allah in noguman kon i monia nanaa, “Piḻídon in ki Barnabas bo ki Saulus mobaḻí totabá-Ku, sinbá mosia in mogaid kon oaidan inta aindon sinantú-Ku pokiaid kon i monia.”

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”