MOHOHUTUBA 4:8 - Alkitab Singog In Mongondow Masa In Tanaa

⁸ Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 4:8 Iomraidhean Croise

KINOBAḺIAN 2:18

Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.”

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

MAZMUR 39:7

kobiagannea in moitaḻib naonda bo oḻinow. Bayongan in oaidannea diá in mangaḻenea; sia in momonturung kon kapunyaan, táe diá kotaauan mongo ki ine in mokaan kon tua.

AMSAL 27:20

Kon dunia in intau minatoi, umuranbí oyúon in tampat; natua doman in ibog in intau diábí in ayownea.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 1:8

Bayongan tua in mokobú bo diá bidon kosingogan in mokobú tatua. Mata naton in diábí kon dodai in onda in mobú in moindoi; bongoḷan naton in diábí doman mooro-orop in mokidongog.

MOHOHUTUBA 2:21

Sin intau imibo-ibog in mogaid takin mopomaké in bayongan hikmat, ilimu bo onu inta totok in kinotaauannea sin momatuk kon onu in koibognea. Táe kon imbuitnea musti in sia monaḷámai kon bayongan inta irorigaannea kon intau inta diá kotoguḷopí kon tua. Dá, tua in diá domandon in mangaḻenea, apa doman totuubí kon diá motuḻid!

MOHOHUTUBA 2:23

Onukabí in inaidannea kon dodai in nobiagpa, modia kon roriga bo nakit in ginanea. Kon tungkuḷ in doḷom mohawatir doman in ginanea. Dá tua komintan in diábí doman in mangaḻenea.

MOHOHUTUBA 4:7

Oyúonpa doman in diá in mangaḻenea kon kobiagan naa.

MOHOHUTUBA 5:10

Kodugang-kodugang in kaoyúonan in intau dá kodugang-kodugang doman in intau ibanea in musti pokaanonnea. Diábí in kauntungan kon i toginea, tongábí kinotaauannea kon sia in nooyúon.

MOHOHUTUBA 5:9

Intau inta moibo-ibog in doit, diábí kon dodai in onda in mokorasa kon tugat in doitnea; intau inta motoboḷok, diábí mokoimontanmai in moorop in kauntungannea. Tua komintan in diábí in mangaḻenea.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

YOHANES 1 2:16

Bayongan in yagi-yagi inta kon bonu in dunia naa, tua in kinoibog in awak inta baradosa naa, onu inta koontongan bo inta pongaḷakuang, tua komintan in deemanbí nongkon i Amá, táe nongkon duniabí naa.