MOHOHUTUBA 4:16 - Alkitab Singog In Mongondow Masa In Tanaa

¹⁶ Rayat inta sinongganutannea diádon koiapan in kobayongnea, táe naonda in sia minayá, diábí in nopoyaput in sukur kon inia sin monorop kon onu inta pinomianea. Totuu, bayongan tua in diábí in mangaḻenea naonda bo modomok kon tompot.

MOHOHUTUBA 4:16 Iomraidhean Croise

SAMUEL 2 19:9

Kon bonu in bayongan suku in Israel nomukádon in bobayowan. Guman monia, “Ki Datu Daud ain noposaḷamat kon inaton nongkon intau in Pilistin bo nopoḷuatdon kon inaton nongkon musung mita ibanea, táe tanaa in sia in noḷaguidon kon i Absalom bo nonaḷámai kon butá tanaa.

DATU MITA IMITÁNEA 1:40

Noiduduimai kon tua mosia komintan nonakin kon inia nobui sindaḷan norogiow bo nogirup kon bansí, nodapot in butá naonda bo mobotak sin rame tatua.

MOHOHUTUBA 1:14

Akuoi in nokoontongdon kon bayongan aid in intau kon dunia naa. Pirisayabí, bayongan tua diábí in mangaḻenea, naonda bo moḷongasi modomok kon tompot.

MOHOHUTUBA 2:11

Táe noiduduimai kon tua sinaridiku in bayongan inta inaidanku, bo inta bayongan ḷopíku sin moginḷapat kon oaidanku mita tatua, dá kinotaauankudon kon tua mita in diábí in mangaḻenea. Onu in iḷongasiku tua diábí in baragunanea naonda bo moḷongasi modomok kon tompot.

MOHOHUTUBA 2:17

Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

MOHOHUTUBA 4:15

Iraiku in bayongan intau kon dunia naa, dá nosadardon in akuoi kon naanta kon sigad monia tua in notantúbí kon oyúon in tayowmobiag in momaḷui kon datu.