MOHOHUTUBA 4:13 - Alkitab Singog In Mongondow Masa In Tanaa

^13-14 Intau nomasiking motaaubí in mobaḻí datu, bo intau inta pinonjara motaaubí momamping kon ḷoḻitúan in datu. Táe aka kon kogoguyangandon yo datu tatua in mobodokdon in motarima kon tonggina, dá siadon morori-roriga kon tayow mobiag inta nobogá táe mopandoi.

MOHOHUTUBA 4:13 Iomraidhean Croise

KINOBAḺIAN 37:2

bo naadon riwayat motoḷuadí i Yakub: Kon tungkuḷ in ki Yusup, ki adí i Yakub umur mopuḷú bo pitu notaong, sia in moḷukadmai kon paanan in bembé domba moyotakin i guya-guyangnea mita, inta ki adí mita i Bilha bo i Zilpa, ki buḷoi amánea inta bobantung. Sia in nopotaau kon oaid mita diá mopia i guya-guyangnea kon inia.

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

AMSAL 19:1

Maníka bo intau bogá inta motuḻid in kobobiagnea, dika in intau bodok inta moibog monguboḷ.

AMSAL 28:6

Maní doman bo intau bogá inta motuḻid in ginanea bo dika in intau nooyúon inta motombogá.

MOHOHUTUBA 4:12

Intau doyowa inta moyotakin mayá motaaubí monayow kon mononubu, táe aka tongá totobatú yo mogampangbí in monaḷow. Toḷu nougat in tontogot inta iḷubid, mororigabí in bontowon.

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.