MOHOHUTUBA 4:12 - Alkitab Singog In Mongondow Masa In Tanaa

¹² Intau doyowa inta moyotakin mayá motaaubí monayow kon mononubu, táe aka tongá totobatú yo mogampangbí in monaḷow. Toḷu nougat in tontogot inta iḷubid, mororigabí in bontowon.

MOHOHUTUBA 4:12 Iomraidhean Croise

SAMUEL 2 23:16

Nokodongogmai kon natua porwira taya toḷu tatua nongin pinononḷoḷaigan in intau in Pilistin, bodongka nonangkob kon tubig nongkon parigí tatua, onda intua dinia monia kon i Daud. Táe doíbí in ki Daud nonginum kon tubig tatua, sedang bo binutakneabí nobaḻí sosumba kon i Tuhan.

SAMUEL 2 23:23

Kon Paanan tatua ki Benayadon in noiḷontú, táe sia in diábí ná kotoyang in “Triwira”. Ki Daud in noduí kon inia nobaḻí tongguḷu in intau mita moḷoḷukadnea.

SAMUEL 2 23:9

Intau nogindua kon bonu in Triwira in ki Eleazar adí i Dodo nongkon inanakan i Ahohi. Sia in sinumakin kon i Daud kon tungkuḷ in nonayow kon intau in Pilistin inta noyosipun sin moparang. Bo kon dodai in tontara mita in Israel inumundok,

MOHOHUTUBA 4:11

Kon doḷom inta motumping, intau doyowa inta nosiug noyodiug monginggamá kon tumping, táe aka tongá tobatú yo naonda in koinggamá in tumping?

MOHOHUTUBA 4:13

Intau nomasiking motaaubí in mobaḻí datu, bo intau inta pinonjara motaaubí momamping kon ḷoḻitúan in datu. Táe aka kon kogoguyangandon yo datu tatua in mobodokdon in motarima kon tonggina, dá siadon morori-roriga kon tayow mobiag inta nobogá táe mopandoi.

EPESUS 4:3

Ramujibí totok in mobiag moyodame sinbá kobiagan notobatú inta ain pinomia in Roho i Allah tantú koḷukadan.