MOHOHUTUBA 3:6 - Alkitab Singog In Mongondow Masa In Tanaa

⁶ Ki Allah in nonantú kon wakutu mokodungkuḷ bo wakutu kobuḻian, wakutu motagú bo wakutu kinotaḷu-taḷuinea,

MOHOHUTUBA 3:6 Iomraidhean Croise

DATU MITA 2 5:26

Táe ki Elisa in noguman, “Kon tuabí in ginaku kon dodai in ki Naaman noponag nongkon keretanea sin mokipodungkuḷ kon inimu. Naa in deemanbí wakutunea motarima kon doit sin potaḷui kon gobá in zaitun, gobá in anggur, domba bo sapi takin bobantung mita!

DATU MITA 2 7:15

Minayá in mosia nodapot kon Ongkag in Yordan. Kinoouput in daḷan nokoontong in mosia kon pakeang bo pakakat mita positabud. Bayongan intua pinogambatdon mako natua in intau mita in Siria kon dodai in mosia noḷagui. Totabá mita tatua in nobui bo nopotaau intua kon i datu.

DATU MITA 2 8:9

Ki Hazael in nogamá kon unta 40 bo dinatogannea in noyagi-yagimai in onu inta kon kotá in Damsyik, bodongka minayá kon i Elisa. Naonda in noiyaputmai kon tampat i Elisa, ki Hazael in noguman, “Bobantungmu ki datu Benhadad, in nopotabá mangoi kon inakó sin moḻibó mongo mopiapa andeka diá in sia.”

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MOHOHUTUBA 11:1

Paké in doitmu kon totayakmu kon ḷuai in ḻipú. Notantúbí kon mokouḻí in iko kon untung kon singgai moiduduimai.

MOHOHUTUBA 3:5

wakutu mosiug moyotakin, bo wakutu moyoguat kon tosiugan, wakutu monggakap bo wakutu monahang kon gina.

MOHOHUTUBA 3:7

wakutu momerak bo wakutu modagum, wakutu kibio-biómai bo wakutu mosingog.

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

OUMAN IN RASUL MITA 27:19

Bo kon singgai intoḷunea, takin ḻima monia tontaní, mosia in nomangkoidon noḷumbú kon pakakat mita in kapaḷ tatua.

OUMAN IN RASUL MITA 27:38

Naonda in nopaḷutdon mako nongaan in mosia, iḷumbúdon monia in gandum kon dagat sinbá mogaandon in kapaḷ tatua.