MOHOHUTUBA 3:3 - Alkitab Singog In Mongondow Masa In Tanaa

³ wakutu moḻimod bo wakutu mongundam, wakutu mongokai bo wakutu moposindog.

MOHOHUTUBA 3:3 Iomraidhean Croise

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

YESAYA 6:10

Bo nogumandon in Sia kon inakó, “Bangkungaidon in raian in intau mita tatua, bongoḷai in bongoḷannea bo bilogai in matanea, sinbá mosia in diá mokoontong, mokodongog andeka momangaḻe, bo momurow mamangoi kon i-Nakó bo mopiadon.”

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

YEREMIA 31:28

Ná koḻipod Akuoi noḷukad kon i monia sinbá kon singgai moiduduimai Akuoi in morabut, morumbun bo morimumud kon i monia, natua doman Akuoi in moḷukad kon i monia sinbá Akuoi in moginrigon bo moposindog kon i monia bui.

YEREMIA 33:6

Táe kon singgai moiduduimai poguḻiton-Kubí bui in kaadaan in kotá tanaa bo intau inta nogutun kon bonunea; mosia in buibí moropot. Akuoi in mobogoibí kon i monia in kobiagan mooyúon bo koamanan inta mobayong totok.

YEREMIA 45:4

Ei Barukh! Akuoi, ki Tuhan, koyogot in morumbun kon onu inta ain pinosindog-Ku, bo yogot morabut kon onu inta pinomuḷa-Ku. Sinangkub in dunia in pomiaan-Kubí natua.

YEHEZKIEL 13:14

Niaton-Ku umpagon in dinding inta cinet monimu in kapur tatua, poguyaaton intua modapot in dongkadon pondasinea. Dinding tatua in moiumpag bo moḻimod kon i monimu komintan. Dá kotaauandon monimu kon Akuoibí in ki Tuhan.

HAGAI 1:2

Ki Tuhan Inta Totok in mokawasa in noguman kon i Hagai, “Bangusa tanaa in noguman kon deemanpa orasnea moposindog bui in Baḷoi-Ku.”

HAGAI 1:4

“Ei umat-Ku, degá orasneadon kon inimu in mogutun kon baḷoi inta moropot bo motorindog, bokaka Baḷoi-Ku in apugpa doman mako?

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.

SAMUEL 1 2:6

Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.