MOHOHUTUBA 3:11 - Alkitab Singog In Mongondow Masa In Tanaa

¹¹ Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 3:11 Iomraidhean Croise

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

AMSAL 16:4

Bayongan yagi-yagi inta inaidan i Tuhan oyúonbí in makusudnea; bo makusud in intau moraat tuata in bodito.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 11:5

Ki Allah in nomia kon bayongan yagi-yagi, bo intau in diábí monotaau kon onu in aidan-Nea; natua doman diá in sia momangaḻe kon momuká monik in kobiagan mobagu kon bobuḷadían in iná tobatú.

MOHOHUTUBA 7:13

Tondudutka in oaidan i Allah. Ki ine in mokotuḻid kon onu inta binelung i Allah?

MOHOHUTUBA 7:23

Tua komintan in sinungkuḷankudon in hikmatku. Táe aka aḷowanku in pandoi tatua, modugang moyayú in sia kon inakó.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

MOHOHUTUBA 8:17

yo diábí kotaauan naton mongo onu in aidan i Allah. Naondaka in poḷongasi naton, diábí in kita mokototaau. Intau moarip in tumangoi kon kinotaauannea, táe sabanarnea in diábí kotaauannea.

MATIUS 11:27

Bo ki Yesus in noguman, “Bayongan yagi-yagi inogoi i Amá kon i-Nakó, bo diá doman tobatúmai in nonotaau kon Adí koḻikudbí in ki Amá, bo diá doman tobatúmai intau in nonotaau kon i Amá kuḻikudbí in Adí bo intau inta kinoibog in Adí popoontongan.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MARKUS 7:37

Bo bayongan intau inta nokodongog kon tua moherang totok. Mosia noguman, “Tua komintan inaidan-Nea notompia! Nodapot in binaḻí-Nea intau bongoḷ nokodongog bo intau bobó nokosingog!”

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.