MOHOHUTUBA 3:1 - Alkitab Singog In Mongondow Masa In Tanaa

¹ Bayongan in yagi-yagi kon dunia naa nobaḻí kon wakutu inta ain sinantú i Allah.

MOHOHUTUBA 3:1 Iomraidhean Croise

DATU MITA 2 5:26

Táe ki Elisa in noguman, “Kon tuabí in ginaku kon dodai in ki Naaman noponag nongkon keretanea sin mokipodungkuḷ kon inimu. Naa in deemanbí wakutunea motarima kon doit sin potaḷui kon gobá in zaitun, gobá in anggur, domba bo sapi takin bobantung mita!

TAWARIKH 2 33:12

Kon bonu in roriganea tatua sinumonsiup in sia kon i Tuhan Allahnea, bo nosambayang nopoigum in totuḷung-Nea.

AMSAL 15:23

Tosingogon mita inta siningog inta noitaná kon wakutunea, mokopoangoi kon sanang in gina.

AMSAL 24:27

Dikapa monoimbotú kon tonibuḷoi aka diápa muna nosadia kon gobámu bo oyúon kototayak.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 2:17

Tuamai in kobiagan diá bidon in mangaḻenea kon inakó, ibanea in diábí. Komintan diá in mangaḻenea; akuoi in noḷongasidon nodomok kon tompot.

MOHOHUTUBA 2:3

Kinogonúan in ginaku kon moibog moarip, moniat in akuoi moposanang in gina pongin monginum kon anggur bo momia kon rame. Kon inakókamai dá tuabí in aid inta totok in mopia kon intau mopomaké in kobiagannea inta notoyong kon dunia naa

MOHOHUTUBA 3:17

Iraiku, ki Allah in monisigbí kon intau inta mopia bo inta moraat, sin pomuḷoi in soaḷ bo pomuḷoi in aid inta mobaḻí kon wakutu inta ain sinantú i Allah.

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

YEREMIA 46:17

Tontangoiaidon in tangoi mobagu in ki datu in Mesir. ‘Ki inta motontamá inta nonaḷámai kon kasampatan.’

MATIUS 16:3

Bo aka doḷo-doḷom bo ontongon in ḷangit nopuya táe noungkoḷom moiko in moguman, ‘Monguyan in singgai naa.’ Kaadaan in ḷangit motaau monimu poyoposion táe tanda mita in zaman diá kotaauan monimu!”