MOHOHUTUBA 2:4 - Alkitab Singog In Mongondow Masa In Tanaa

^4-5 Aid mita inta moḷoben ain inaidanku. Pinosindogku in baḷoiku mita. Inaidanku in taman mita bo gobá mita inta pinomuḷaanku kon pangkoi in anggur bo noyagi-yagimai in pangkoi in ayop.

MOHOHUTUBA 2:4 Iomraidhean Croise

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

SAMUEL 2 18:18

Kon wakutu in nobiagpa, ki Absalom noposindogdon kon inia in tobatú tugu kon Ḷopá in Datu, sin sia in diá kogadí kon ḷoḷaki inta mongingguput kon buínea. Tugu tatua sinangoiannea in tangoinea tontaní, bo nodapot in singgai naa tugu tatua umuran kinotaauan saḷaku tugu i Absalom.

DATU MITA IMITÁNEA 15:19

“Koḻigai in kita motogot kon yoyobayatan ná inta ain pinomia in guyanga naton. Pinotakin kon naa akuoi in nokidia in buḷawan bo saḷaka nobaḻí tombuinag, bo monongganut kon i Tuang momontowdon kon yoyobayatan takin i Baesa datu in Israel, sinbá buidon gamáannea in tontaranea nongkon butá dodatuan ku.”

DATU MITA IMITÁNEA 9:1

Naonda in nopaḷut mako in ki Salomo noposindog in Baḷoi Tuhan bo komaḻig takin bayongan inta sinomayánea,

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

TAWARIKH 2 8:11

Pinampingdon i Salomo in ki buḷoinea inta ki adí bobay i datu in Mesir, nongkon kotá i Daud pinobayá in baḷoi inta pinosindog kon inia. Sin ki Salomo in norai, “Ki buḷoiku in diábí motaau in mogutun kon komaḻig i Daud, datu in Israel, sin bayongan in tampat inta nokoimontandon pinotagúan kon Poti Dodandian in tampatbí inta motusi.”

MAZMUR 49:11

Diá, sia in mokoontongbí kon intaukabí inta mobijaksana yo matoibí doman. Intau dondunguḷ bo pompuḷong tumpaḷabí moyopú, bo monaḷámai kon kapunyaannea kon intau ibanea.

DONDONG MOḶANTUD 1:14

Batoḷ in dodobku naonda bo bungang totabian totanga kon gobá mita in anggur En-Gedi.

DONDONG MOḶANTUD 7:12

Igai in kita doḷo-doḷom mayá in gobá, bo moindoi mongo pangkoi in anggur nonubudon, bo bungainea nobukádon; degá pangkoi in delima nonoburdon. Kon tua ogoikudon in tabiku kon inimu.

YESAYA 5:1

Indongogaipa in dondongku soaḷ gobá in anggur in yobayatku. Yobayatku oyúon in gobá in anggur kon obaga in buḷud inta noḷumbá.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”