MOHOHUTUBA 2:3 - Alkitab Singog In Mongondow Masa In Tanaa

³ Kinogonúan in ginaku kon moibog moarip, moniat in akuoi moposanang in gina pongin monginum kon anggur bo momia kon rame. Kon inakókamai dá tuabí in aid inta totok in mopia kon intau mopomaké in kobiagannea inta notoyong kon dunia naa

MOHOHUTUBA 2:3 Iomraidhean Croise

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

AMSAL 20:1

Oinumon mokoḷoḷangu mokopopisí kon intau mobaḻí ná diá dinidik bo modowawá. Bodokdon in intau inta monginum dapot in moḷoḷangu.

MOHOHUTUBA 1:17

Dá niatonkubí totaauon in yoposi in pandoi bo in bodok, kon sigad in kopandoian bo kabodokan. Táe noniata magí akuoi naa in naonda bo nodomok kon tompot.

MOHOHUTUBA 10:19

Rame mokopomuká kon kosing, bo anggur mokobaḻí kon kosanang in gina. Táe paraḷubí oyúon in doit poguboḻi kon tua.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

MOHOHUTUBA 5:18

Aka intau tobatú motarima kon kaoyúonan bo kapunyaan nongkon i Allah, bo sia in inogoian in wakutu mopomaké in kaoyúonan tatua, mustibí in sia moibog mosukur bo mopomaké in bayongan inta siniḷopíannea. Tua in ki Allahbí doman in nobogoi.

MOHOHUTUBA 6:12

Naonda in kototaau in intau kon onu inta totok in mopia kon inia kon bonu in kobiagannea inta motoyong bo diá in baragunanea, bo inta moitaḻib naonda bo oḻinow? Naonda in komomangaḻe in intau kon onu in mobaḻí kon dunia naa naonda in sia diádon?

MOHOHUTUBA 7:18

Pokoyayú kon doyowa inta koina. Aka kita motoguondok kon i Allah, yo notantú bidon kon kodapotan naton in onu inta sinayak.

MOHOHUTUBA 7:25

Táe akuoi in tantúbí mobalajar bo motayak kon totaau, sinbá mokouḻí kon pandoi bo tubag in bayongan inta ḻibóon. Tungkuḷanku tomangaḻean kon dosa tua in kabodokanbí, bo aid moraat in ibogbí ná noiḷoḷongon.

MOHOHUTUBA 8:15

Impoḷok mako in tosingogonku in intau naa in mustibí mobiag takin ḷunganga in gina. Sin kon bonu in kobiagannea kon dunia diábí in kasanangan ibanea kon inia koḻikudbí in mongaan, monginum bo mobarasanang. Tongábí tua in kopakéannea kon bayongan in onu inta iramujinea, kon bonu in kobiagan inta inogoi i Allah kon inia.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

HAKIM MITA 9:13

Táe pangkoi in anggur in notubag, ‘Umpaka dá akuoi in mustibí mogogai mopomungai in anggur inta mokosanang kon gina in dewa mita bo intau, sin tongábí popisí in mobaḻí datumu!’

SAMUEL 1 25:36

Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.