MOHOHUTUBA 2:21 - Alkitab Singog In Mongondow Masa In Tanaa

²¹ Sin intau imibo-ibog in mogaid takin mopomaké in bayongan hikmat, ilimu bo onu inta totok in kinotaauannea sin momatuk kon onu in koibognea. Táe kon imbuitnea musti in sia monaḷámai kon bayongan inta irorigaannea kon intau inta diá kotoguḷopí kon tua. Dá, tua in diá domandon in mangaḻenea, apa doman totuubí kon diá motuḻid!

MOHOHUTUBA 2:21 Iomraidhean Croise

TAWARIKH 2 34:2

Sia in nogaid kon onu inta mokosanang kon gina i Tuhan; sia in dinumudui kon oaid mopia i Datu Daud mogoguyangnea, bo dinumudui kon bayongan in hukum i Allah takin ḻimbatú in gina.

TAWARIKH 2 35:18

Paska ná tatua in diá bidon kon dodai in onda pinorameanpa bui nongkon tungkuḷ i Nabi Samuel. Diábí tobatúmai nongkon datu mita inta noiuna in nokoimontandon norame kon Paska ná inta inaidan

MAZMUR 39:7

kobiagannea in moitaḻib naonda bo oḻinow. Bayongan in oaidannea diá in mangaḻenea; sia in momonturung kon kapunyaan, táe diá kotaauan mongo ki ine in mokaan kon tua.

MAZMUR 49:10

sinbá moisimparut in sia kon popatoi bo mobiag modapot in mononoi.

MAZMUR 49:11

Diá, sia in mokoontongbí kon intaukabí inta mobijaksana yo matoibí doman. Intau dondunguḷ bo pompuḷong tumpaḷabí moyopú, bo monaḷámai kon kapunyaannea kon intau ibanea.

MOHOHUTUBA 2:20

Tanaaya nomanasaḷdon in akuoi nogaid inimibo-ibog.

MOHOHUTUBA 4:4

Kinotaauanku doman kon intau in totokbí in moḷongasi mogaid, tongá popisí in mointoi in mokoontong kon bungai in siniḷopían in topodiugnea. Tua komintan diá in mangaḻenea naonda bo moḷongasi modomok kon tompot.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

YEREMIA 22:15

Indongogaidon, ei Datu Yoyakim! Aka iko moposindog in komaḻig mopomaké in kayu ḷokuyú in Libanon inta totok in mopia, yo degá tua in nobaḻí tomponuot kon iko in mopia-pia nongkon bayongan in datu ibanea? Tungkuḷaika torop in ki amámu: Sia in nokonanamdon kon kobiagan motompia bo nokodapot kon bayongan in inta iḷongasinea, popisí in sia in umuran motuḻid bo mojujur bo monisig kon pelekara in intau bogá pongin aid moadil. Memang mustibí natua in aid in intau inta nonotaau kon i Tuhan.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.