MOHOHUTUBA 2:16 - Alkitab Singog In Mongondow Masa In Tanaa

¹⁶ Intau inta bodok ḷagidon koḻiongan, táe intau inta mopandoi in diá domandon toro-toropon. Koonggot-koonggot kita komintan in modaitdon koḻiongan. Kita komintan in mustibí matoi, pinomayá intau inta moarip andeka intau inta dondunguḷ.

MOHOHUTUBA 2:16 Iomraidhean Croise

SAMUEL 2 3:33

Nopaḷut mako kon tua ki Daud in nopoamui kon i Abner, kainia, “Eta patus degá in ki Abner in matoi naonda bo intau dondunguḷ?

MAZMUR 103:16

aka irupon in tompot, dá diádon in sia, nodapot in tampatnea diádon kinotaauan.

MAZMUR 49:10

sinbá moisimparut in sia kon popatoi bo mobiag modapot in mononoi.

MAZMUR 88:12

Degá tabi-Mu potaau kon bonu in poḷoḷobongan, bo kososatia-Mu kon tampat koyopúan?

IḶUAIAN 1:6

Degá tongonumai notaong noiduduimai kon tua ki Yusup bo ki utatnea mita in minatoidon, ná doman tua intau mita inta topobiagnea.

IḶUAIAN 1:8

Noiduduimai kon tua datu mobagu tobatú inta diá nonotaau kon i Yusup in nomarenta kon Mesir.

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

MOHOHUTUBA 1:11

Intau in diá bidon mokotorop kon onu inta nobaḻí koḻipod. Natuabí doman inta nobaḻí tanaaya bo kon singgai moiduduimai, diá bidon toro-toropon in intau moiduduimai.

MOHOHUTUBA 2:14

Intau moarip mokoontong kon daḷan inta bayáannea; intau bodok naonda bo mayá sindaḷan mongokap.” Táe kinotaauanku doman kon ukur inta motongkai moiumabí kon i monia komintan.

MOHOHUTUBA 2:15

Dá iraiku, “Ukur inta noiuma kon intau bodok in korasaankubí doman. Dá onu in mangaḻe in bayongan pandoiku?” Dá sinimpodkudon in tosingogon kon hikmat tua in totuubí kon diá in baragunanea.

MOHOHUTUBA 6:8

Dá onu in kauntungan in intau moarip aka poyotongkaionmai in intau nobodok? Onu doman in mangaḻenea intau nobogá bo mopia in kon sigad in intau mobarong?

MOHOHUTUBA 7:2

Maníka bo mayá in pinatoian bo dika in mayá in rame. Sin kita in mustibí tantú monanob kon popatoi in mogoḷatbí mako kon batúan in intau.

MOHOHUTUBA 8:10

Nokoimontan inontongku in intau moraat minatoi bo iḷobong. Táe kon dodai in intau mita nobui nongkon pinoḷobongan kon inia, mosia in nodayow kon inia kon kotá inta pinogaidannea kon inta moraat. Dá, tua in diábí doman in mangaḻenea.

MOHOHUTUBA 9:15

Kon kotá tatua oyúon in intau nobiag nobogá inta mobijaksana. Sia in nokoposaḷamatbí kon kotá tatua. Táe popisí in sia nobiag nobogá, onu in pinomianea tatua baḷúdon kinoḻiongan bo diá tobatúmai in intau nokotorop kon inia

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.