MOHOHUTUBA 2:10 - Alkitab Singog In Mongondow Masa In Tanaa

¹⁰ Bayongan inta kinoibogku, dinuduianku totok. Diábí kon dodai in onda akuoi in nomondam kon onu inta koibogku. Nosanang in ginaku kon bayongan inta siniḷopíanku, bo tuata in tondan in pinogaidanku.

MOHOHUTUBA 2:10 Iomraidhean Croise

KINOBAḺIAN 3:6

Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

AYUB 31:1

Pinongin ibot akuoi in modandi mongodeaga moguod diábí bobuionku takin ibog in awak.

MAZMUR 119:37

Ḷukadai in akuoi sinbá diá momatuk kon inta diá in mangaḻenea, ogoiaidon in akuoi in kobiagan podudui in ibog-Mu.

MAZMUR 128:2

Iko in mongaanbí nongkon onu inta siniḷopíanmu, mobiag motomoman bo motompia.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

MOHOHUTUBA 2:1

Sinimpodkudon kon tongádon moposanang in gina sinbá monotaaudon kon onu in kopiaan. Táe noniata magí diábí doman in mangaḻe intua.

MOHOHUTUBA 2:22

Kino ouput in kinobiagan intau moḷongasi totok mogaid bo yumoyigamai; bo onubí in siniḷopían tua in motaau pongata-ngata mako?

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

MOHOHUTUBA 3:22

Tuamai in kinotaauankudon kon diábí in mopia-pia kon intau koḻikudbí in momaké kon onu inta siniḷopíannea. Koḻikud intua diábí in motaau aidannea. Diábí doman inta kotaauannea mongo onu in mobaḻí naonda in sia matoi.

MOHOHUTUBA 5:10

Kodugang-kodugang in kaoyúonan in intau dá kodugang-kodugang doman in intau ibanea in musti pokaanonnea. Diábí in kauntungan kon i toginea, tongábí kinotaauannea kon sia in nooyúon.

MOHOHUTUBA 5:17

Dá kinomangaḻeankudon kon inta totok in mopia kon i naton in mongaanbí, monginum bo mopomaké kon onu inta siniḷopían naton kon bonu in kobiagan inta mopoḷok inta inogoi i Allah kon i naton; tuata in ukur naton.

MOHOHUTUBA 5:18

Aka intau tobatú motarima kon kaoyúonan bo kapunyaan nongkon i Allah, bo sia in inogoian in wakutu mopomaké in kaoyúonan tatua, mustibí in sia moibog mosukur bo mopomaké in bayongan inta siniḷopíannea. Tua in ki Allahbí doman in nobogoi.

MOHOHUTUBA 6:2

Moiḷanuimai ogoian i Allah in kaoyúonan, kahoromatan bo kapunyaan kon intau tobatú, modapot in diádon in koibognea. Táe diá inogoian i Allah in wakutu in sia mopomaké in bayongan inta inogoi tatua. Tompobuinea, intau inta diá kinotaauan-Nea mopomaké in kaoyúonan tatua. Dá tua komintan diá in mangaḻenea bo mokonakit kon gina.

MOHOHUTUBA 6:9

Tua komintan in diábí in mangaḻenea naonda bo mogaḷow kon tompot. Maníka bo moorop in ibog naton kon onu inta oyúon kon i naton bo dika in tantú moibog sinbá modugang mooyúon.

MOHOHUTUBA 8:15

Impoḷok mako in tosingogonku in intau naa in mustibí mobiag takin ḷunganga in gina. Sin kon bonu in kobiagannea kon dunia diábí in kasanangan ibanea kon inia koḻikudbí in mongaan, monginum bo mobarasanang. Tongábí tua in kopakéannea kon bayongan in onu inta iramujinea, kon bonu in kobiagan inta inogoi i Allah kon inia.

MOHOHUTUBA 9:6

Porasaan tabi, yongó bo napusunea, komintan bidon matoi moyotakinnea. Diá bidon in sia mogamá kon tonsilai onuka kon bayongan onu in nobaḻí kon dunia.

MOHOHUTUBA 9:9

Paké in kobiagan takin i buḷoimu inta kinotabimu kon bonu in kobiaganmu inta diá in baragunanea, inta inogoi i Allah kon inimu kon dunia. Pakébí muḷoi in singgai umpaka diá in baragunanea. Sin tongábí tua in tondan in irorigaanmu.

YOHANES 1 2:16

Bayongan in yagi-yagi inta kon bonu in dunia naa, tua in kinoibog in awak inta baradosa naa, onu inta koontongan bo inta pongaḷakuang, tua komintan in deemanbí nongkon i Amá, táe nongkon duniabí naa.

HAKIM MITA 14:2

Bo sia nobui bo noguman kon guranganea, “Akuoi in moibog kon mongodeaga tobatú intau in Pilistin kon Timna. Akuoi mopoigum sinbá ki amá bo ki iná mayádon moguman mobuḷoi kon inia.”