MOHOHUTUBA 12:5 - Alkitab Singog In Mongondow Masa In Tanaa

⁵ Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

MOHOHUTUBA 12:5 Iomraidhean Croise

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 44:29

Aka moiko mogamá kon adí muit tanaa nongkon inakó, bo oyúon in mobaḻí kon inia, yo roriga in gina inta poantug monimu kon inakó tua in mokopopisí bidon kon kopatoianku, sin akuoi naa in nogoguyangdon.’ ”

AYUB 15:10

Hikmat tanaa in nouḻí nami nongkon intau inta ain uba-ubanan; mosia in oyúondon kon dodai in ki amámu pinononggadí!

AYUB 17:13

Tongádon dunia in popatoi in mobaḻí kamangku, kon tuata in akuoi mosiug kon bonu in sindip.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

AMSAL 16:31

Intau mojujur in ogoianbí in umur moḷanggó; ubannea in naonda bo mahkota inta mopouḻi-uḻinag.

AMSAL 20:29

Intau moguodpa in ponango-nangoian popisí in ropotnea, bo guyanga in horomaton popisí in ubannea.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 46:4

Akuoi in umuranbí ki Allahmu modapot in moiko mogoguyang; bo umuran moḷukad kon i monimu modapot in moiko ubanan. Akuoi in nopobaḻí kon i monimu bo umuran moḷukad, Akuoi in motuḷungbí bo moposaḷamat kon i monimu.

YEREMIA 1:11

Ki Tuhan in noḻibó kon inakó, “Onu in inontongmu, Yeremia?” Akuoi in notubag, “Tanga in pangkoi in badam, Tuhan.”

YEREMIA 9:16

Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.