MOHOHUTUBA 12:4 - Alkitab Singog In Mongondow Masa In Tanaa

⁴ Rame kon doḷaag diá mosilang in kodongoganmu. Singog in musik bo pogiḻingan gogió bo diádon kodongogan. Diádon in iko mokosiug moḷoḷot. Tontuoḷ in ḷagapan mokopobangon domandon kon inimu.

MOHOHUTUBA 12:4 Iomraidhean Croise

SAMUEL 2 19:35

Umurku ain waḷu nopuḷú notaong, bo diá bidon in motaau mobogoi in inta mokosanang kon inakó. Diá bidon konanamanku in onu inta kaanonku andeka inta inumonku, bo diá domandon kodongoganku in singog in intau modondong. Akuoi in tongádon mokopororigamai kon i Tuang datu.

AYUB 41:14

Ki ine in mokobuká kon tungginea inta moropot, inta nopuḻing in bagang mita mongoroton?

YESAYA 47:2

Giḻingdon in topong bo batu; bukádon in koḷubungmu, bingkatdon in ḷambungmu modapot in koontongan in bosiotmu, bo ḷoḷanaidon in ongkag mita.

YEREMIA 25:10

Singog mita monia inta mongoḷunganga bo rame in ponikaan in pogogaion-Kubí. Mosia in diá bidon mokouḻí kon ḷana ponontogáan monia, bo gandum monia in modaitbí.

WAHYU 18:22

Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.