MOHOHUTUBA 12:2 - Alkitab Singog In Mongondow Masa In Tanaa

² Aka tua in moiangoidon yo matamu in diá bidon mosilang, dá mokuyoyowdon in sindar in mata in singgai, buḷan bo tundi. Goḷom morondí in mododia kon uyan, umuranbí kotaki-takinmu naonda bo gogondok.

MOHOHUTUBA 12:2 Iomraidhean Croise

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.

KINOBAḺIAN 48:10

Pooindoi i Yakub diádon mosilangmai sin ain mogoguyang bo matanea nobuḷoḷowdon. Ki Yusup in nopodiug kon i adínea mita tatua kon i Yakub, bo kinoyotannea in mosia poḷat inayokannea.

MAZMUR 42:7

Kon butá pinoḷumbúan tanaa mororiga totok in ginaku, tuamai in kinotoropanku in ki Tuhan. Dimukudku in dinia in robonoḷ in gina, akuoi in inuntag in ḷunud kotombaukan; naonda bo tubig kon popoḷabúan in Ongkag in Yordan nongkon Buḷud in Hermon bo Buḷud in Mizar.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

MAZMUR 77:16

Pinongin ropot-Mu pinoḷuat-Mu in umat-Mu, buí i Yakub bo i Yusup.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

YESAYA 13:10

Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YOËL 3:15

Mata in singgai bo buḷan in simindipdon, bo tundi mita in diádon monindar bui.”

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

SAMUEL 1 3:2

Kon doḷom tobatú, ki Eli inta totokdon in nogoguyang bo gogiódon nobilog, nosiug mako kon gopotnea,

SAMUEL 1 4:15

Kon dodai intua ki Eli umurdon siow nopuḷú bo waḷu notaong bo matanea in diádon mosilang.

SAMUEL 1 4:18

Naonda in intau tatua nopotaau in soaḷ Poti Dodandian tatua, ki Eli noḷabú noiboḻingkayang nongkon kaderanea kon ḻimako in ngara moḷoben. Nogoguyangdon totok in sia bo noḷongó dá naonda in noḷabú sigogownea noputoḷ, bo poḷat minatoi in sia. Sia in nobaḻí itoi kon Israel opat nopuḷú notaong in koonggotnea.