MOHOHUTUBA 12:12 - Alkitab Singog In Mongondow Masa In Tanaa

¹² Adíku, kon soaḷ tanaa iko in mustibí mokopoingat. Pomaisan kon buk diábí in imbuitnea, bo moiḻiu in antó mobalajar mokoḷopí kon gina bo awak.

MOHOHUTUBA 12:12 Iomraidhean Croise

DATU MITA IMITÁNEA 4:32

Toḷu noribu in tango-tangoion bo noiḻiu kon toribu in dondong inta pinomianea tontaní.

MOHOHUTUBA 1:18

Sin kodugang-kodugang in hikmat naton, kodugang-kodugang domandon in mokoondok kon inaton. Kodugang-kodugang in pongotahuan naton, kodugang-kodugang domandon in roriga naton.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 21:25

Nobayongpabí in soaḷ mita ibanea inta inaidan i Yesus, táe aka daiton paison intua, yo rasaanku dunia naa in diábí tugatan potagúan kon onu in paison tatua.

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.