MOHOHUTUBA 10:13 - Alkitab Singog In Mongondow Masa In Tanaa

¹³ Pangkoiannea in ouman uboḷ, táe imbuitnea oumannea naonda bo intau nobundai.

MOHOHUTUBA 10:13 Iomraidhean Croise

SAMUEL 2 19:41

Onda intua namangoidon in bayongan intau in Israel kon tayowon i datu bo noguman kon inia, “Tuang datu, nongonu sin ki utat nami intau mita in Yohuda tatua in norai kon mosiabí tua in kitogi hak motomu bo moyotakin i Tuang datu takin bayongan in motoḷuadí bo intau mita i Tuang datu ḷumoḷan kon Ongkag in Yordan?”

DATU MITA 2 6:27

Ki datu in notubag, “Aka diá tuḷungan i Tuhan in iko, yo naondabí in akuoi mokotuḷung kon inimu? Diá in gandum andeka tubig in anggur kon inakó!

DATU MITA 2 6:31

Ki datu in nomaḷú, “Singgai doman naa ki Elisa in mustibí matoi. Pobiódon mako ki Allah in mohukum kobogaton totok aka diá ḻimodonku in ki Elisa!”

AMSAL 13:16

Intau mobijaksana in munapabí morai bo dongka mogaid; intau bodok mongonguman kon kobobodoknea.

AMSAL 29:9

Aka intau mobijaksana bo intau bodok mopelekara, intau bodok tua in tongábí momarontak bo kumosing dá mokopomukádon kon dowawá.

MOHOHUTUBA 10:14

Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

MOHOHUTUBA 7:25

Táe akuoi in tantúbí mobalajar bo motayak kon totaau, sinbá mokouḻí kon pandoi bo tubag in bayongan inta ḻibóon. Tungkuḷanku tomangaḻean kon dosa tua in kabodokanbí, bo aid moraat in ibogbí ná noiḷoḷongon.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

LUKAS 11:38

Táe intau in Parisi tatua nongoherang in nokoontong kon i Yesus nongaan táe diá muna nonomok ná atorang in agama.

LUKAS 6:11

Táe intau mita in Parisi bo mototundú mita kon agama sinumorú totok kon i Yesus, dá nomangkoidon in mosia noyosingog mongo onu in aidan monia kon i Yesus.

LUKAS 6:2

Oaid monia tatua in inontong intau mita in Parisi, dá mosia in noḻibó, “Nongonu sin moiko in nogaidbí kon inta pinoton aidan kon singgai in Sabat?”

YOHANES 12:10

Tuamai imang mita itoi in moibog doman moḻimod kon i Lazarus.

HAKIM MITA 14:15

Dá kon singgai noginggopat mosia noguman kon i buḷoi i Simson, “Iko in mustibí modondouḷug kon i buḷoimu sinbá potaauneadon kon inami in mangaḻe in tangkínea tatua. Aka diá, yo pokakon nami in iko takin tombonu in baḷoi i amámu. Iko naa in mogoiníbí kon inami sinbá modait in kapunyaan nami!”