MOHOHUTUBA 1:8 - Alkitab Singog In Mongondow Masa In Tanaa

⁸ Bayongan tua in mokobú bo diá bidon kosingogan in mokobú tatua. Mata naton in diábí kon dodai in onda in mobú in moindoi; bongoḷan naton in diábí doman mooro-orop in mokidongog.

MOHOHUTUBA 1:8 Iomraidhean Croise

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

AMSAL 27:20

Kon dunia in intau minatoi, umuranbí oyúon in tampat; natua doman in ibog in intau diábí in ayownea.

MOHOHUTUBA 1:7

Bayongan in ongkag moiḻig kon dagat, táe dagat in diábí doman mopuḻi-puḻing. Tubignea in buibí doman mayá in uḷuan ongkag bo moiḻig bui.

MOHOHUTUBA 2:11

Táe noiduduimai kon tua sinaridiku in bayongan inta inaidanku, bo inta bayongan ḷopíku sin moginḷapat kon oaidanku mita tatua, dá kinotaauankudon kon tua mita in diábí in mangaḻenea. Onu in iḷongasiku tua diábí in baragunanea naonda bo moḷongasi modomok kon tompot.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

MOHOHUTUBA 4:8

Oyúon in intau nobiag sia-sia mita diá kogadí, andeka diá kogutat. Umpaka natua, sia in umuran simiḷopí bo ginanea diá kon dodai in onda moorop in ibog in kapunyaannea. Kon i inebí in inta siniḷopíannea bo doí kon kasanangan? Tua in diá doman in mangaḻenea, bo kobobiag inta mororiga.

MOHOHUTUBA 6:7

Intau naa in mogaid tongábí bá oyúon in kaanon, táe diábí kon dodai in onda moorop in sia.

HAGAI 1:9

Moiko in mongamang mako kon bungai in boyó mobayong totok, táe nouḻí magí in tongábí topiḻik; bo dinia monimu kon baḷoi, táe bungai in boyómu tatua in inirup-Ku, dá nodait dinia in tompot. Nongonu sin inaidan-Ku intua? Tubagnea in nanaa: Popisí in Baḷoi-Ku umuranpa noton apug mako, bo moiko komintan in moḷongasidon moposindog in baḷoinea-baḷoinea.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

MATIUS 5:6

Pia in kamang in intau inta moibog totok mogaid kon inta mobanar; sin bayongan tua in ogoibí i Allah.