MOHOHUTUBA 1:6 - Alkitab Singog In Mongondow Masa In Tanaa

⁶ Tompot mogirup ná toḷatan, bodongka mogirup ná utuan; momurow magí-mako in sia bo bui mayá intua.

MOHOHUTUBA 1:6 Iomraidhean Croise

AYUB 37:17

Diá, iko in tongábí motaau mogamui sin mopatú aka butá dapúon in tompot in toḷatan.

AYUB 37:9

Nongkon toḷatan ḷumuai in tompot moropot bo nongkon utuan mamangoi in tumping.

MAZMUR 107:25

Podudui in parenta-Nea nogirupdon in deḷang bo noponomburádon kon bokoḷ mita.

MAZMUR 107:29

Deḷang inta nondangat pinoki gogaian-Nea, nodapot in bokoḷ mita noḻenedon.

MOHOHUTUBA 1:7

Bayongan in ongkag moiḻig kon dagat, táe dagat in diábí doman mopuḻi-puḻing. Tubignea in buibí doman mayá in uḷuan ongkag bo moiḻig bui.

MOHOHUTUBA 11:5

Ki Allah in nomia kon bayongan yagi-yagi, bo intau in diábí monotaau kon onu in aidan-Nea; natua doman diá in sia momangaḻe kon momuká monik in kobiagan mobagu kon bobuḷadían in iná tobatú.

YUNUS 1:4

Ki Yunus in minayá in tampat inta kon ḻimonagan totok bo inumuḻid kon tua, bo nosiug noḷoḷot. Noiduduimai kon tua pinoangoidon i Tuhan in tompot moropot kon dagat, bo nobaḻídon in bokoḷ inta totok in motoyang, inta nondangat kon kapaḷ tatua dá gogiódon bo morimumud. Intau mita in kapaḷ nongoondokdon totok bo nomaḷúdon mokituḷung, kon batúannea mokituḷung kon dewanea-dewanea. Tobatú daya monggaat kon anib moitaḷom, mosia in noḷumbú kon datog in kapaḷ in kapaḷ tatua kon bonu in dagat.

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.

MATIUS 7:27

Onda in nonguyan, inuntag in ḷunud bo tompot in baḷoi tatua, dá noumpag bo nogoguyaat totok.”

YOHANES 3:8

Tompot mogirup kon onda in koibognea; kodongogan naton in singognea, táe diábí kotaauan naton mongo nongkon onda in kinoangoiannea bo kon onda in bayáannea. Natua doman in intau inta pinolahir nongkon Roho i Allah.”