MOHOHUTUBA 1:16 - Alkitab Singog In Mongondow Masa In Tanaa

¹⁶ Iraiku, “Akuoi naa in nobaḻídon intau moḷoben bo moarip, noiḻiu kon arip kon bayongan intau inta nomarenta kon Yerusalem noiuna kon inakó. Akuoi in nosipun kon nobayong in totaau bo ilimu.”

MOHOHUTUBA 1:16 Iomraidhean Croise

DATU MITA IMITÁNEA 10:7

Koḻipod akuoi in diábí mopirisaya, táe naonda in akuoi namangoi bo nokoontong tontaní kon bayongan intua, baintua bo noyakindon in akuoi. Noniata magí yo bayongan inta ain dinongogku in diápabí noyotombotakmai nongkon onu inta ain inontongku tanaa. Noniata magí yo kabijaksanaan bo kaoyúonan i Tuang in moḷobe-ḷobenbí nongkon onu inta ain pinotaau kon inakó.

DATU MITA IMITÁNEA 4:30

Kon butá mita kon dotá in pomukaan bo kon Mesir diábí in intau inta mopando-pandoi kon inia.

DATU MITA IMITÁNEA 5:9

Intauku mita in modiabí kon kayu tatua mosiḻig nongkon Libanon mopobayá in dagat. Bain kon tua bo pangkoi mita in kayu tatua togoton monia tonggakiton bo iḻigon monia pongin dagat pobayá in tampat inta koibog i Tuang. Kon tua in gakit mita tatua kokaion bo ogoi kon intau mita i Tuang sin pogaid moiduduimai. Nongkon i Tuang, poigumonku sinbá ki Tuang moposadiadon in kokaanon kon intau mita inta kon komaḻigku.”

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

TAWARIKH 2 2:12

Dinayo-dayowdon in ki Tuhan Allah in Israel, Inta Nomia kon ḷangit bo butá! Sia in nobogoidon kon i Daud in adí ḷoḷaki inta totuu mobijaksana bo mopandoi, bo kototaau moḷoben, inta tanaa in koyogot in moḷongasi moposindog in baḷoi tobatú kon i Tuhan bo komaḻig tobatú kon inia tontaní.

MAZMUR 4:4

Pokotaaudon, ki Tuhan ain nomiḻí kon i-Nia tontaní tobatú intau inta kinotabi-Nea. Ki Tuhan in mokidongogbí aka mokuani in akuoi kon i-Nia.

MAZMUR 77:6

Iraiku kon singgai mita inta ain kinotaḻiban, toro-toroponku bo tano-tanobonku in taong mita inta ain kinotaḻiban.

MOHOHUTUBA 2:1

Sinimpodkudon kon tongádon moposanang in gina sinbá monotaaudon kon onu in kopiaan. Táe noniata magí diábí doman in mangaḻe intua.

MOHOHUTUBA 2:15

Dá iraiku, “Ukur inta noiuma kon intau bodok in korasaankubí doman. Dá onu in mangaḻe in bayongan pandoiku?” Dá sinimpodkudon in tosingogon kon hikmat tua in totuubí kon diá in baragunanea.

MOHOHUTUBA 2:9

Totuu, akuoibí in mokawa-kawasa nongkon i ineka inta nokoimontan nogutun kon Yerusalem, bo hikmatkubí doman in noiḻiu.

MOHOHUTUBA 3:17

Iraiku, ki Allah in monisigbí kon intau inta mopia bo inta moraat, sin pomuḷoi in soaḷ bo pomuḷoi in aid inta mobaḻí kon wakutu inta ain sinantú i Allah.

YEREMIA 22:14

Moboditodon in intau inta noguman, “Posindogonku in komaḻig inta moḷoben takin yuangnea mita inta mooḷad kon ḷandakan kon ḻimonikan,” bo kon komaḻig tatua pinogaidannea kon jandela mita takin bongkow nongkon kayu ḷokuyú in Libanon, bo cinetnea in nopura.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.