MIKHA 7:9 - Alkitab Singog In Mongondow Masa In Tanaa

⁹ Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

MIKHA 7:9 Iomraidhean Croise

SAMUEL 2 24:17

Ki Daud in nokoontong kon malaekat inta koyogot moḻimod kon rayat, bo sia in noguman kon i Tuhan, “Akuoibí in binaradosa sin akuoibí in nomia kon taḷá tatua. Táe onu in taḷá in bangusa tatua? Hukumdon in akuoi bo motoḷuadíku!”

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 35:14

Ayub, apadoman aka iko in moguman kon iko in diá nokoontong kon i-Nia, bo pelekaramu in kon tayowon-Neadon bo iko in mogoḷat mako kon i-Nia!

MAZMUR 119:154

Duḷuaidon in pelekaraku bo poḷuatdon in akuoi; posaḷamatpa in akuoi podudui in dandi-Mu.

MAZMUR 37:6

Poniata-Neabí in kototoinduduimu naonda bo bayag, bo kototuḻid in ginamu naonda bo singgai.

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

MAZMUR 7:6

yo pomayádon mako in akuoi inaḷowan bo dinomok in musung, poḷat iḻimod bo sinaḷáan mako natua kon butá.

MAZMUR 94:15

Dá hukum in posindogonbí bui kon ponisigan, bayongan in intau motuḻid in moibogbí in natua.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 42:7

Sin mobuká kon mata in intau bilog, bo mopoḷuat kon intau nongkon sindip in ponjara.

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

YESAYA 51:22

Naa in guman i Tuhanmu, Ki Tuhan Allahmu inta noduḷu kon i monimu, “Roriga inta inogoi-Ku kon bonu in torú-Ku, in gamáan-Kudon bui nongkon inimu. Torú-Ku in moonowdon, bo moiko in dikadon mobaba kon tua.

YESAYA 56:1

Ki Tuhan in noguman kon umat-Nea, “Aidaidon onu inta moadil bo inta noyotombutung in hukum-Ku. Sin topiḻikpa bo Akuoi in mamangoi moposaḷamat kon i monimu bo koadilan-Ku in poniata.

YEREMIA 10:19

Intau in Yerusalem nomaḷú, “Kami in sinongkekeban modaḷom bo diádon mopia. Koḻipod in kainamikamai dá roriga tanaa in kobabaanbí nami, naanta yo diábí.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 51:10

Umat i Tuhan in noguman, “Pinoontongdon i Tuhan kon kita in kon dotábí in inta nobanar. Igai mayá in kita in Yerusalem bo oumanon kon tua in onu inta ain inaidan i Tuhan Allah naton.”

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

IMAMAT 26:41

dá iḷawang-Ku domandon in mosia bo inuntun-Ku pinobayá in tampat pinoḷumbúan kon butá in musung mita monia. Pangabisannea, aka buímu mita moitungkudon bo dinumuduidon kon hukuman popisí in dosa bo pinomarontakan monia,

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.

SAMUEL 1 25:39

Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.

SAMUEL 1 3:18

Dá pinotaaudon komintan i Samuel kon i Eli intua. Diábí tobatúmai in binuninea. Onda intua ki Eli nogumandon, “Sia in ki Tuhan, pomayádon mako in Sia mogaid kon onu inta inanggap-Nea mopia.”