MIKHA 7:8 - Alkitab Singog In Mongondow Masa In Tanaa

⁸ Diábí in kinodoyonan in musung mita naton in moḷunganga in gina sin kon kinorimumudan naton. Sin umpakabí noḷabú in kita, yo kita in bui mobangon. Tanaa kita in kon bonu in sindip, táe ki Tuhan in monimbayagbí kon i naton.

MIKHA 7:8 Iomraidhean Croise

AYUB 31:29

Diápa kon dodai in onda in nopia in ginaku popisí in musungku nororiga, andeka noḷunganga in gina popisí in nobodito in sia.

MAZMUR 112:4

Bayag in monindar kon bonu in sindip kon intau mita inta mojujur, kon intau inta moadil, inta motabi bo mopia in gina.

MAZMUR 143:3

Musungku in nondudurdon kon inakó bo sinaḷownea in akuoi, bo pinobonunea in akuoi kon ponjara inta mosindip; akuoi in nobaḻídon naonda bo intau inta noonggotdon in minatoi.

MAZMUR 20:8

Oyúon in intau inta mopongata in kereta in parangnea, oyúon doman in mopongata in kabaḷonea. Táe kita in mopongata in kawasa in Tuhan, ki Allah naton.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 35:19

Dikabí pomayá mako in akuoi in poyambáan in intau inta nondoí kon inakó takin diá in popisínea. Dika pomayá mako in akuoi in giowan in intau inta nondoí kon inakó takin diá in kinodoyonan.

MAZMUR 37:21

Intau moraat in moḷuan bo diá mopobui kon onu inta iḷuanannea, táe intau mopia in mobogoibí takin pia in gina.

MAZMUR 37:24

Aka moḷabú in sia, yo diábí in sia kekeban modaḷom, sin kinadaianbí i Tuhan in sia kon ḻimanea.

MAZMUR 38:16

Táe akuoi in nongamang mako kon inimu, o Tuhan, bo Iko, Tuhan Allahku, in notubag kon inakó.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 97:11

Bayag ain nomuká kon intau inta motuḻid in gina, bo ḷunganga in gina kon intau inta mojujur.

YESAYA 2:5

Ei, buí i Yakub, igai in kita dumudui kon bayag i Tuhan!

YESAYA 49:9

Intau inta pinonjara pinoki poḷuaian-Ku; inta kon tampat mosindip diaan-Ku mayá in mobayag. Nodapot in inta kon tombuḷud inta noḷogat mosia in diábí kodaitan, kon kinoouput in daḷan oyúonbí in kaanon.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

YEREMIA 48:27

Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

YEREMIA 50:11

Ki Tuhan in noguman, “Ei intau in Babel, moiko in nogagow kon umat-Ku. Moiko in ḷumansi-ḷansik sin mopia in gina naonda bo kabaḷo inta kumurik, bo naonda bo sapi inta koyogot in mokaan kon bonok.

YEREMIA 8:4

Ki Tuhan in nopotabá kon inakó nokipoyaput in nanaa kon umat-Nea, “Aka intau moḷabú, notantú bidon kon mobangonbí bui in sia, bo aka intau moiḷaḻe kon daḷan, notantú bidon kon mobuibí in sia.

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YEHEZKIEL 35:15

ná kinososanang in gina monimu kon dodai in nokoontong kon Israel kapunyaan-Ku nobaḻí noingongow. Buḷud mita in Seir, nodapot in sinangkub in butá in Edom in mobaḻíbí moingongow. Dá bayongan in intau in monotaaudon kon Akuoibí in ki Tuhan.’ ”

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

OBAJA 1:12

Diábí patus moḷunganga in ginamu in mokoontong kon ukur diá mopia in intau mita in Yohuda bo moḷunganga in gina kon singgai koyopúan i utatmu. Diábí patus in iko umambungangaḷ kon dodai in sia mosusa.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

YOHANES 16:20

Poguman-Kudon kon i monimu, moiko nion in mongombaḷbí bo mogamui, táe mopiabí in gina in dunia naa. Morobonoḷbí in gina monimu, táe robonoḷ in gina monimu tua in mobaḷuibí ḷunganga in gina.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

KORINTUS 2 4:9

Umpakabí kami pinogutú, táe diápabí dodai onda in sinaḷáan tongádon kami tontaní. Bo umpakabí umuran monia bongkugon nodapot in pomobak kon butá, táe diápabí doman minatoi in kami.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.