MIKHA 7:4 - Alkitab Singog In Mongondow Masa In Tanaa

⁴ Inta totok in mopia bo inta totok in motuḻid nongkon i monia naonda bo bonganga inta diá in mangaḻenea. Noidapotdon in wakutunea ki Allah in mohukum kon i umat-Nea ná inta ain pinotoingat-Nea kon i monia pinongin in nabi-Nea mita. Tanaa in nomukádon in kinotombaukan kon sigad monia.

MIKHA 7:4 Iomraidhean Croise

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 22:5

Totuu, ki Tuhan Inta Totok in moḷantud, bo Inta Totok in mokawasa ain nonantú kon singgai naa nobaḻí singgai kodoḻiokan, kodowawáan bo yogenggeng kon Ḷopá in Oontongon. Dinding mita in kotá ain inumpag. Kuani mokituḷung kodongogandon nodapot kon tombuḷud mita.

YESAYA 55:13

Pangkoi in ḷokuyú in momaḷui kon pangkoi in bo bonganga, pinomuḷa bungang in momaḷui kon dogami. Tua in mobaḻí sinbá Akuoi in popotaau magí-mako; nobaḻí tomponuot inta mononoi inta diá mobuḻi-buḻi.”

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 11:23

Akuoi in nonantúdon kon wakutunea mopoangoi in bodito kon intau mita in Anatot, bo aka moiangoidon in hukuman kon i monia tua yo diábí tobatúmai in kotaḻiban.”

YEREMIA 46:21

Nodapot in tontara mita inta sinoko tondanannea in diádon mokopongonu nádon ki adí in sapi inta noiḻiudon in ḷongó. Mosia in diádon mokotongod. Komintan momurow bo moḷagui sinbá mosaḷamat. Singgai pohukuman kon i monia in noyaputdon; wakutuneadon mosia koantugan in bodito.

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

YEHEZKIEL 28:24

Ki Tuhan in noguman, “Ḻipú mita topodiugmai inta nokoimontandon in noningkuḻe kon Israel, diábí mobaḻí ná dugi inta mokoyaat kon gina in Israel. Mosadar bidon in mosia kon Akuoibí in ki Tuhan Inta Totok in moḷantud.”

AMOS 8:2

Ki Tuhan in noḻibó, “Onu in inontongmu, Amos?” Akuoi in notubag, “Karansi uatoi tobatú inta kon bonu-bonu in bungai in ayop inta ain nongogurang.” Ki Tuhan in noguman, “Wakutunea in nogurangdon kon umat-Ku Israel. Akuoi in diá bidon momaḷui bui kon tomayá-Ku bo notantúbí kon mohukum kon i monia.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.