MIKHA 7:3 - Alkitab Singog In Mongondow Masa In Tanaa

³ Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

MIKHA 7:3 Iomraidhean Croise

AMSAL 16:30

Mokopoingatdon kon intau inta momomi bo mongiloi, sia in koyogotbí in morai kon inta moraat kon bonu in ginanea.

AMSAL 17:23

Hakim inta diá moadil, in umuni-uni motarima kon doit posogó bo diábí in sia mopobayá in onu inta moadil.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

YESAYA 3:5

Intau mita mosidorotandon. Intau moguod mopoompámai kon guranga, bo intau diá kopangkat mopoompámai kon intau moḷoben.

YESAYA 32:7

Bo intau mouboḷ morai bo mogaid kon onu inta moraat. Sia in motayak kon daya sin mopobodito kon intau bogá pongin tosingogon mita inta uboḷ bo moḷamboi kon i monia mokouḻí kon haknea.

YESAYA 5:23

Táe tongá bá mokouḻí kon doit posogó, dá moiko in mopoḷuat kon intau kotaḷá, bo moḷamboi kon intau diá kotaḷá mokouḻí kon inta moadil.

YEREMIA 3:5

Iko in noguman doman kon Akuoi in diábí umuran tumorú kon inimu. Tuata inta siningogmu, ei Israel, táe kon dodai doman intua aidanmu doman in bayongan inta moraat inta motaau aidanmu.”

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 22:6

Bayongan in itoi in Israel mopongata in ropotnea tontaní bo moḻimod.

YEHEZKIEL 34:21

Moiko in nogundud poḷat nondangat kon domba inta notakit nodapot in moitondí in mosia nongkon paanan in domba.

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

HOSEA 4:18

Naonda in moḷoḷangu popisí in nonginum kon anggur nobayong, mosia in sumundaḷ takin pia in gina. Mosia in moibo-ibogbí singkuḻeon dika in horomaton.

HOSEA 7:3

Ki Tuhan in noguman, “Pinongin tompobaḻik bo aid mita inta moraat rayat moḷongasi moposanang in gina i datu bo in pojabat mita in pomarenta.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

MIKHA 2:8

Ki Tuhan in notubag, “Moikobí inta monubu kon umat-Ku naonda bo musung. Intau in mobui nongkon pinoparangan takin kamang mokorasa kon moaman kon baḷoinea, bokaka kon tua moiko in modapotbí in mogoḷat mako sin mogagow kon baḷoinea.

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MIKHA 3:2

táe nouḻí magí kinodoí bidon monimu onu inta mopia, bo mopia in gina monimu kon inta moraat. Bangusaku in iningkuḻitan monimu sibiag, bo iyambit monimu in tapúnea nongkon tuḷannea mita.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.