MIKHA 7:19 - Alkitab Singog In Mongondow Masa In Tanaa

¹⁹ Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!

MIKHA 7:19 Iomraidhean Croise

SAMUEL 2 24:14

Ki Daud in notubag, “Adodoia kaasí ah! Moboditodon in akuoi! Táe dika in akuoi hukumon in intau, dá mopia-piabí kon kita in hukumon i Tuhan, sin moḷoben in tabi-Nea.”

MAZMUR 103:12

Ná kinoyoyayú in pomukaan kon toyopan, natua in kinoyoyayú in pinoḷumbúan-Nea kon dosa mita naton.

MAZMUR 130:8

Sia in mopoḷuatbí kon i naton nongkon bayongan in taḷá naton.

MAZMUR 85:3

Inampungan-Mudon in dosa mita in umat-Mu; imaapan-Mudon in bayongan in taḷánea.

YESAYA 33:24

Diábí tobatúmai in intau kon butá naton in mogamui popisí in motakit, bo bayongan in dosa in ampunganbí.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

YEREMIA 31:34

Diá bidon paraḷu tobatúmai in intau nongkon i monia in mositundúan bá monotaau kon i Tuhan. Sin mosia komintan, moḷoben mointok, in monotaau bidon kon i-Nakó. Taḷá mita monia in ḻiongon-Ku bidon, dosa mita monia in ampungan-Kubí. Akuoi, ki Tuhan, ain nosingog.”

YEREMIA 33:8

Akuoi in mondaritbí kon i monia nongkon dosa mita inta ain inaidan monia kon i-Nakó; dosa mita bo aid moraat monia in ampungan-Kubí.

YEREMIA 50:20

Kon tungkuḷ intua Israel bo Yohuda in modarit bidon nongkon dosa, sin ampungan-Kubí in intau mita inta ain pinosaḷamat-Ku. Akuoi, ki Tuhan, ain nosingog.”

OMBAḶ 3:22

Tabi i Tuhan in umur mononoi, totabi-Nea in diábí modai-dait,

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

YEHEZKIEL 18:22

Bayongan in dosanea in ampunganbí; mobiagbí in sia, sin nogaid kon inta moitutui.

YEHEZKIEL 39:29

Akuoi in mopogonúbí in Roho-Ku kon bangusa in Israel, bo diá bidon monaḷámai bui kon i monia. Akuoi, ki Tuhan, Inta Totok in moḷantud ain nosingog.”

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

ZAKHARIA 3:4

Dá nogumandon in malaekat tatua kon mobobantung mita kon soroga, “Ḷumbúdon in ḷambung nokotor inta pinaké in intau tanaa.” Bo sia in noguman kon i Yosua, “Dosamu in iḷumbúkudon, iko in ogoiankudon in ḷambung mobagu.”

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

SURAT I PAULUS KON JAMAAT RUM 8:13

Sin aka moiko bo mobiag dumudui kon ibog in awak naa, dá matoibí; táe aka moiko bo momaké in kawasa in Roho i Allah bo umuran monginggamá kon aid mita inta mokobaradosa, yo mobiagbí in moiko.

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 8:12

Ampungan-Kudon in taḷá mita monia, bo diá bidon umuran-Ku toropon mako in dosa mita monia.”

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.