MIKHA 7:16 - Alkitab Singog In Mongondow Masa In Tanaa

¹⁶ Bangusa mita in mokoontongbí kon tua bo angoian in oyá sin kotaauandon monia kon bayongan in ropot monia diábí in mangaḻenea. Mosia in kobuḻianbí in akaḷ dá diádon mokosingog andeka mokodongog.

MIKHA 7:16 Iomraidhean Croise

AYUB 21:5

Indoiaidon in akuoi, dá moitongaubí in moiko, moitosindogbí mako in moiko bo bibigmu in mosingkumdon.

MAZMUR 126:2

Kita in tantúbí kinumosing bo nodondong takin pia in gina dá bangusa mita ibanea in noguman, “Ki Tuhan in nogaidon kon inta mongotoyang kon i monia!”

AMSAL 30:32

Aka podoyon kon kobobodokmu iko in dumodia monomayá kon pelekara mita moraat, pokoingat!

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 52:15

Táe tanaa nobayong in bangusa in binaḻínea nongoherang, datu mita nongobió popisí in noitongau. Mosia in mokoontong bo momangaḻe, inta dungkuḷmai diá kinotaauan monia.”

YESAYA 66:18

Akuoi in nonotaaubí kon raian bo aid monia. Akuoi namangoi sin mosipun kon intau mita nongkon bayongan bangusa. Kon tungkuḷ in mosia moyosipun, mosia in mokoontongbí kon kawasa-Ku.

YEHEZKIEL 38:23

Natuata in aid-Ku moponiata kon bayongan in bangusa kon Akuoi in moḷantud bo motusi. Dá kotaauandon monia kon Akuoibí in ki Tuhan.”

MIKHA 3:7

Intau mita inta monoḻindap kon singgai moiduduimai in mooyábí popisí in toḻindapnea tatua in diá moitugat. Mosia komintan in mooyá bidon sin ki Allah in diábí motubag kon i monia.

MIKHA 5:8

Israel in monaḷowbí kon musungnea mita poḷat morimumud kon i monia komintan.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

ZAKHARIA 12:9

Kon singgai tatua Akuoi in moyompat kon bayongan in bangusa inta monungkuḷ monubu kon Yerusalem.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”