MIKHA 7:11 - Alkitab Singog In Mongondow Masa In Tanaa

¹¹ Ei Yerusalem! Wakutumudon bui moposindog in dinding mita in kotámu. Kon singgai tatua butámu in dugangandon in kooḷadnea.

MIKHA 7:11 Iomraidhean Croise

NEHEMIA 2:17

Táe onda intua noguman in akuoi kon i monia, “Indoiai in kaadaan naton inta moyoyiga tanaa! Yerusalem in dongkadon utag mita bo bonawangnea mita in kinaandon komintan in tuḷú. Koḻigai bá posindogondon bui naton in dinding mita in kotá in Yerusalem sinbá diádon in kita poonagonmai.”

NEHEMIA 2:8

Koḻikud intua, noigum doman in akuoi kon surat ogoi kon i Asap, intau inta moḷoḷukad kon kayuon in dodatuan, sinbá sadiaannea in kayu inta pakéon pogaid kon ḷoḻingkop in bonawang dinding kon diug in Baḷoi Tuhan, bo pakéon kon dinding in kotá bo baḷoi inta pogutunanku. Onu in pinoigumku nodait dinuduian i datu, sin ki Allah in notuḷung kon inakó.

NEHEMIA 4:3

Bo ki Tobia inta sinimindog kon diugneamai in noguman doman, “Indoiai in dinding inta pinosindog monia! Tongákabí ungkú in kayuon yo mokoumpagbí kon tua!”

NEHEMIA 4:6

Kon dodai intua kami in umuranbí doman nonompia kon dinding tatua, bo diá noonggot kon tua bayongan in dinding tatua nodaitdon sinompia bui noidapot in tongobotak in koḷantudnea, sin rayat in nogaid takin ibog moḷoben.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

YESAYA 54:2

Pokooḷadon in ḷoḷaigan mita pogogutunanmu; koḷanggó in tontogotnea mita bo koroton in oiginea!

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YESAYA 61:4

Mosia in moposindogbí in kotá mita inta ain noonggot in norumbun bo moposindog bui in tampat mita inta ain noonggot in noingongow.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.