MIKHA 6:7 - Alkitab Singog In Mongondow Masa In Tanaa

⁷ Degá mopia in gina i Tuhan aka kita modia poangoi kon i-Nia in ribuan domba andeka mobayong totok in ḷana in zaitun? Musti degá posumba naton kon i-Nia in ki adí naton guya-guyang mobaḻí tontobut in dosa mita naton?

MIKHA 6:7 Iomraidhean Croise

DATU MITA 2 16:3

Nobiag in sia naonda bo datu mita in Israel, noidapot in noposumba in adínea ḷoḷaki tontaní nobaḻí kuruban kon dewa, podudui in kabiasaan moraat in intau mita inta ain pinoguntun i Tuhan nongkon butá in Kanaan kon tungkuḷ in intau in Israel sinumuot kon butá tatua.

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

DATU MITA 2 3:27

Tuamai in ginamáneadon in ki adínea ḷoḷaki inta guya-guyang bo pinosumbanea kon tudu in dinding in kotá nobaḻí sosumba kon i dewa in Moab. Dá noondokdon intau mita in Israel, dá inoinídon monia inumundok in tontara monia nongkon kotá tatua bo nobui kon butá monia.

AYUB 29:6

Bobiagonku nobogoi in susu mobarong totok. Mobayong doman in ḷana in pangkoi mita in zaitunku, umpaka pinomuḷa kon butá inta nobarong in batu.

MAZMUR 50:9

Akuoi in diábí moparaḷu kon sapi nongkon ḷantungmu, andeka bembé nongkon paanan in bobiagonmu;

MAZMUR 51:16

Posimparutdon in akuoi nongkon popatoi, o Allah mopoposaḷamatku, dá takin pia in gina potaauku in kooadil-Mu.

MAZMUR 51:18

Iko in doíbí kon kuruban ratáan; aka kuma bo akuoi moposumba in kuruban payongon, yo doíbí Iko intua.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 40:16

Bayongan in biag kon kayuon in Libanon diá tugat baḻíon kuruban payongon; pangkoinea mita totuu moyakag baḻíon kayu pondungú.

YEREMIA 19:5

Mosia in noposindogdon in mezbah kon i Baal sin moposumba in adí mita monia nobaḻí kuruban payongon, bokaka Akuoi in diábí kon dodai in onda in nopotabá kon i monia nogaid kon tua, nodapotbí in diábí kon dodai in onda in ná tatua nomuká kon bonu in raian-Ku.

YEREMIA 6:20

Onubí in mangaḻenea in kamania inta dinia monia kon i-Nakó nongkon Syeba, andeka toyokayu nongkon butá moyayú? Doíbí in Akuoi in motarima kon sosumba monia. Doíbí in Akuoi kon kuruban mita payongon monia.

YEREMIA 7:31

Mezbah tobatú inta sinangoian Topet ain pinosindog monia kon Ḷopá in Hinom sin moposumba kon i adí mita monia nobaḻí kuruban payongon. Bokaka Akuoi in diábí kon dodai in onda in nopotabá kon i monia nogaid kon tua, nodapot in diábí kon dodai in onda in ná tatua in nomuká kon bonu in raian-Ku.

YEHEZKIEL 23:37

Mosia in nomiadon kon totuaḻingan bo noḻimod; mosia in nonuaḻingdon takin in berhala mita bo noḻimod kon i adí-Ku mita inta pinononggadí monia. Adí mita tatua in pinosumbadon monia kon berhala mita monia.

HOSEA 5:6

Mosia in minayá notayak kon i Tuhan kodia-dia in domba bo sapi sin pokuruban, táe tua komintan in diábí in mangaḻenea. Sin ki Tuhan in nonaḷámaidon kon i monia, bo diábí mouḻí monia in Sia.

HOSEA 6:6

Ibogon-Ku totok in moiko totokdon in monotaau kon i-Nakó bo umuran motabi kon i-Nakó, dika in motubá in moiko bo moposumba in kuruban kon i-Nakó.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

IMAMAT 20:1

Ki Tuhan nopotabá kon i Musa

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

PILEMON 1:12

Bo tanaa intau inta kino-tabiku tua in pinotabákudon bui mamangoi kon inimu.

HAKIM MITA 11:31

bo mobui in akuoi takin mosaḷamat, dá ki inekabí in muna-munamai ḷumuai nongkon baḷoiku sin motomu kon inakó, yo posumbakudon in sia mobaḻí kuruban tubáan kon i Tuhan.”

HAKIM MITA 11:39

Naonda in notompodon doyowa nobuḷan, minayádon bui in sia kon i amánea, bo inaidandon i amánea in onu inta ain pinodandinea kon i Tuhan. Dá minatoidon in mongodeaga tatua kon dodai in diápa kobuḷoi. Tuabí in pinomangkoian kon nongonu sin kon yuak in intau in Israel, biasamai

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.