MIKHA 6:3 - Alkitab Singog In Mongondow Masa In Tanaa

³ Ki Tuhan in noguman, “Ei umat-Ku, onu in inaidan-Ku kon i monimu? Naonda degá in Akuoi noposusamai kon i monimu? Tubagaidon in Akuoi!

MIKHA 6:3 Iomraidhean Croise

MAZMUR 50:7

“Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

MAZMUR 51:4

Bataaidon in bayongan in aidku moraat; daritaidon in akuoi nongkon dosaku.

MAZMUR 81:13

Tuamai in pinomayá-Kudon mako in mosia motogat in gina; biódon mako in mosia in dumudui kon ibog monia tontaní.

MAZMUR 81:8

Kon bonu in susamu moiko in mokuani, bo Akuoi in noposaḷamat kon i monimu. Sinubagan-Ku in moiko nongkon gotup tampat inta pinogadopan-Ku, Sinungkuḷan-Ku in moiko kon bokaká in tubig Meriba.

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

YEREMIA 2:5

Ki Tuhan in noguman, “Taḷá onu in nouḻí in mogoguyangmu kon i-Nakó, nodapot in mosia nomaḻidawan kon i-Nakó? Mosia in nomatuk kon berhala inta diá in mangaḻenea bo imbuitnea mosiadon tontaní in nohina.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.