MIKHA 6:2 - Alkitab Singog In Mongondow Masa In Tanaa

² Ei buḷud mita, ei apad mita in butá, indongogaidon in onu pinotaau i Tuhan! Oyúon in pelekara-Nea takin Israel umat-Nea bo tuntuton-Neabí in mosia.

MIKHA 6:2 Iomraidhean Croise

SAMUEL 2 22:16

Omonaganmai totok in dagat inontong bo aip in butá nobukat kon tungkuḷ in ki Tuhan nongguak kon musung-Nea takin torú.

SAMUEL 2 22:8

Bo butá nodandú bo nogugur, sipangkoion mita in buḷud nodandú bo nouyot popisí in torú i Allah!

MAZMUR 104:5

Pinoḻitú-Mu kinorigon in butá kon dodoyonannea, dá diábí modandú modapot in mononoi.

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

YESAYA 3:13

Ki Tuhan in taḷaoḷatdon sin mogugat bo monisig kon umat-Nea.

YESAYA 43:26

Poponoropdon kon i-Nakó, igai in kita mayá in pongadilan, pongadudon in pelekaramu sinbá moniatadon kon iko in totuu.

YESAYA 5:3

Dá tanaa yobayatku in noguman, “Moiko komintan, intau inta nogutun kon Yerusalem bo Yohuda, sisigaidon kon sigad in anggur-Ku bo Akuoi.

YEREMIA 2:9

Ki Tuhan in noguman, “Tanaa in umat-Ku in pinelekara-Ku bui, bo buínea in sisigan-Ku.

YEREMIA 25:31

Modapot kon popod in butá singog-Nea in kodongogan; ki Tuhan in momia kon pelekara kon bangusa mita. Bayongan in intau in sisiganbí bo inta moraat in hukumonbí matoi.’ ”

YEREMIA 31:37

Aka kuma kon singgai tobatú bo koukuran in ḷangit, bo apad in butá kotaridian, kon dodai intuata Israel in indoíon-Kudon popisí in bayongan in aid monia inta moraat. Akuoi, ki Tuhan, ain nosingog.”

HOSEA 12:2

Bayongan yagi-yagi inta pinomia in intau in Israel nongkon doḷo-doḷom nodapot in doḷom diá in mangaḻenea bo sipatnea in moyopúbí naonda bo tompot nongkon pomukaan. Aid motombogá bo moḻingá kodugang-kodugang kon sigad monia. Mosia in nomia kon dodandian noyotakin i Asyur bo nodia kon ḷana minayá in Mesir nobaḻí tomponuot yoyobayatan.”

HOSEA 12:3

Oyúon in pelekara i Tuhan takin bangusa in Yohuda; Sia in mohukum doman kon Israel popisí in dodia monia. Sia in motuḻíbí kon oaid monia.

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

MIKHA 6:1

Indongogaidon in tosingogon inta pinotaau i Tuhan kon Israel. Sindogdon, o Tuhan, potaaudon in onu mita inta ain inaidan in umat-Mu! Pomayádon mako bá dongogon in buḷud bo tombuḷud onu in poguman-Mu.

ULANGAN 32:22

Torú-Ku in moborambangdon naonda bo tuḷú inta momokak modapot kon dunia in intau minatoi. Tuḷú tatua in momokak kon bayongan in butá takin tombonunea, bo buḷud mita modapot in kon uakatnea mita.

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.