MIKHA 5:13 - Alkitab Singog In Mongondow Masa In Tanaa

¹³ Tugu mita i Dewi Asyera kon butámu in umpagon-Ku, bo kotámu mita inta oyúon in poḷoḷukadan in rimumudon-Ku.

MIKHA 5:13 Iomraidhean Croise

YESAYA 2:18

Berhala mita in moinggamádon komintan.

YESAYA 2:8

Kon bayongan tampat oyúon in berhala, bo mosia in mosumba kon patong mita inta pinomia monia tontaní.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 37:23

Mosia in diá bidon mongotor kon awak monia pongin mogaid kon dosa bo mosumba kon berhala mita inta mokorongó. Poḷuaton-Kudon in mosia nongkon bayongan in totuaḻingan inta nokopopisí kon i monia nonoḻikud kon i-Nakó. Potusion-Ku in mosia; mosia in mobaḻí umat-Ku, bo Akuoi in ki Allah monia.

YEHEZKIEL 6:9

kon tua mosia in mobiag kon bonu in poḷumbúan. Bo kotoropandon monia in Akuoi bo komangaḻeandon monia kon Akuoi in mohukum bo moningkuḻe kon i monia sin gina monia in diá motoindudui kon i-Nakó. Mosia in nonaḷámaidon kon i-Nakó bo ain nomiḻí kon berhala nobaḻí toḻiu-Ku. Bo mosia in doídon kon awak monia tontaní popisí in bayongan in aid moraat bo moromú inta ain inaidan monia.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

NAHUM 1:14

Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”

ZEPANYA 1:4

Hukumon-Kubí in intau in Yerusalem bo bayongan in Yohuda. Kiagat mita in pinosumbaan kon Baal in inggamáan-Kubí nongkon tua. Imang mita inta nogundoi kon Baal in ḻiongon bidon totok.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.

HAKIM MITA 18:17

Toimata taya ḻima tatua bayá-bayádon sinumuot kon baḷoi, bo nogamá kon patong kayu inta inaipan in saḷaka tatua takin patong mita ibanea, bo epod. Tayowmobiag in Lewi tatua in sinimindogdon mako takin tontara mita onom nogatut inta kon ngara moḷoben.