MIKHA 4:8 - Alkitab Singog In Mongondow Masa In Tanaa

⁸ Bo iko Yerusalem, tampat pinoḷukadan i Allah kon umat-Nea naonda bo gombala noḷukad kon paanan in dombanea, iko in buibí mobaḻí ki iná in kotá in dodatuanmu ná dungkuḷmai.

MIKHA 4:8 Iomraidhean Croise

KINOBAḺIAN 35:21

Nopaḷut mako kon tua ki Yakub nongingguputdon kon bobayáannea, bo noposindog in ḷoḷaigannea kon tampat tobatú kon ḻimakomai in ḷangkeang Eder.

SAMUEL 2 5:7

Ki Daud in noguman kon intaunea, “Oyúon degá in kon naa in intau inta mobú kon intau in Yebus ná doman akuoi mobú kon i monia? Mobúdon totok degá in sia modapot in sia moibogdon totok moḻimod kon i monia? Aka natua, tuotdon mongin daḷan in tubig bo tubudon in intau mita inta nosedó bo nobilog inta kinobúmu tua.” (Tuamai intau nosingog, “Intau bilog bo intau nosedó diábí motaau in tumuot kon Baḷoi i Tuhan.”) Ki Daud nokoḷongasi nogagow kon poḷoḷukadan in Sion bo iḻitúannea. Sinangoiannea “Kotá i Daud.” Kotá tatua pinosindognea kon ḻibu in poḷoḷukadan tatua, pinangkoi nongkon dotá in pomukaan kon buḷud inta sinuod pinomonturungan kon butá.

MAZMUR 24:7

Bukádon kooḷad in bonawang koyongan, sinbá tumuot in ki Datu inta momulia.

MAZMUR 48:3

Sion, tombuḷud i Allah nosindog notompia kotá i Datu Moḷantud mokopia kon gina in sinangkub in butá.

MAZMUR 61:3

Noyayú nongkon baḷoi akuoi in mokuani kon ini-Mu, sin akuoi in kinodaitandon in kamang. Iko in mogatodbí kon inakó mayá in pogogadopan inta moaman, tampat inta totuu moḷantud kon inakó;

DONDONG MOḶANTUD 4:4

Sigogowmu naonda bo ḷangkeang i Daud, inta pinosindog sin potagúan kon ḷoḷutam. Boboḷmu notongkai in kaḻeaw toribu, tungkud in intau mita mongobarani.

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

YESAYA 10:32

Singgai in naa musung kon kotá in Nob, bo kon tua mosia morangkom kon koyungkum potundú kon Buḷud in Sion kon kotá in Yerusalem.

YESAYA 5:2

Sia in nomasoḷ kon butánea bo moḷumbú kon batunea mita. Pinomuḷanea in anggur inta notompiḻí pinosindognea in ḷangkeang poḷoḷukadan. Pinongaḻiannea kon bubú tobatú pomomugutan kon anggurnea, bo nogoḷat in sia kon bungainea moḷutú, táe nomungai in sia in bungai in anggur inta noirat.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 7:18

Táe umat i Allah Inta Totok in moḷantud in motarimabí kon hak momarenta bo pomarentaannea in modapotbí in mononoi.”

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

MIKHA 2:12

Ki Tuhan in noguman bui, “Ei umat in Israel inta ki agatneapa! Moiko in notantúbí kon sipunon-Ku bo tobatúon naonda bo domba inta mobui mangoi kon ḷantungnea. Naonda bo rawang in bonok inta nopuḻing in domba, natua doman in butámu in mopuḻingdon bui in intau mobayong.

ZAKHARIA 9:10

Ki Tuhan in noguman, “Kereta mita in parang nongkon Epraim in ḷumbúon-Kubí, bayongan in kabaḷo kon Yerusalem in yopúon-Kubí bo bayongan in piot in tokorimumudon-Kubí. Datumu in mopotaaubí in dodamean kon sigad in bangusa mita. Nongkon dagat mopobayá in dagat siabí in mongawasa, nongkon Ongkag in Eprat nodapot in popod in dunia.”

ZAKHARIA 9:12

Pobuidon ei intau mita iḷumbú, tanaa in oyúondon in kamang monimu. Pobuidon kon pononiunganmu Akuoi in umuranbí momarakat kon i monimu. Indongogaika: Kodua noguntuḷ in kobayongnea ogoi-Ku in barakat popisí in bayongan roriga inta ain kinorasaan monimu.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

PINOGIAPAN 24:19

Nongkon i Yakub moitukatbí mangoi in pongawasa tobatú, inta moyompat kon musungnea mita.”

MATIUS 21:33

“Indongogaidon in poumpamaan ibanea tanaa,” guman i Yesus. “Oyúon in tobatú ki togi butá, sia in nomuḷa kon anggur bo iḻibunea sinondok in gobá tatua. Sia nongaḻi doman kon bubú tampat pomomugutan kon bungai in anggur, bo noposindong doman in ḷangkeang poḷoḷukadan kon pinomuḷa tatua. Onda intua gobá tatua pinotomoyónea kon mototomoyó bo sia minayá in ḻipú ibanea.

MARKUS 12:1

Noiduduimai kon tua ki Yesus mulaidon bui nosingog takin nomaké in poumpamaan kon imang mita itoi, guru mita in agama bo itoi mita intau Yahudi. Kai-Nia, “Oyúon tobatú intau nomuḷa kon anggur kon gobánea. Gobá tatua iḻibunea sinondok. Bo pinogaidannea doman kon tampat pomomugutan kon bungai in anggur. Sia nogaid doman kon ḷangkeang poḷoḷukadan. Onda intua pinotomoyónea in gobá in anggurnea tatua kon tongonumai intau mototomoyó bodongka minayá in sia kon ḻipú inta moyayú.

EPESUS 1:21

Ḷoḻitúan pomarentaan i Kristus tua in moḷantu-ḷantudbí nongkon ḷoḻitúan pomomarentaan in bayongan pomarenta, bayongan pongawasa, bayongan itoi bo bayongan tuang bo bayongan intau inta inogoian in ḷoḻitúan moḷantud; mosia inta nobiag masa in tanaa ande mosia inta nobiag moiduduimai.

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.