MIKHA 4:4 - Alkitab Singog In Mongondow Masa In Tanaa

⁴ Pomuḷoi in intau in mobiag bidon moaman bo motomoman kon yuak in gobá in anggur bo gobá in aranea; diá bidon in mopogogondokmai kon inia, tuata in dandi i Tuhan Inta Totok in mokawasa.

MIKHA 4:4 Iomraidhean Croise

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

AYUB 11:19

Iko in diá bidon moondok kon musung; mobayong in intau in mopoigum in totuḷung kon inimu.

MAZMUR 72:3

Igumon mako butá nami in motomoman bo mobiag motompia, bo inta moadil oyúon kon bayongan in bangusa.

AMSAL 3:25

Dika bidon in iko moondok kon bodito inta modaḻí moiangoi naonda bo deḷang, bo mondumpak kon intau moraat.

YESAYA 1:20

Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

YESAYA 17:2

Kotá mita in Siria in taḷaandon modapot in mononoi bo nobaḻídon tampat in paanan in bobiagon; diábí tobatúmai in intau in moguntun kon i monia.

YESAYA 22:25

Aka tua in mobaḻí, dá pakú inta pinopopakú noropot tua in morabutbí bo moḷabú. Bo tuata in imbuit in inanakan motoḷuadí bo bayongan in intau inta nopoandoḷ in kobiagan kon inia. Akuoi, ki Tuhan, ain nosingog.”

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 36:16

Dika indongogan in ki Hizkia! Akuoi, ki datu in Asyur moguman kon i monimu sinbá ḷumuai nongkon kotá bo tumungkud. Bain moiko motaau mokaan kon bungai in anggur nongkon gobámu tontaní, bo mokaan kon bungai in ara nongkon pangkoi in aramu tontaní, poḷat doman monginum kon tubig nongkon parigímu tontaní,

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YESAYA 58:14

Dá, mopiabí in gina monimu sin mogundoi kon i-Nakó. Baḻíon-Ku in moiko horomaton kon sinangkub in dunia. Moiko in mobiagbí mosanang takin bungai in butá tonsilai i Yakub, mogoguyangmu. Akuoi, ki Tuhan ain nosingog.”

YEREMIA 23:4

Akuoi in moduíbí kon itoi sin momiag kon i monia. Umat-Ku in diá bidon moondok andeka mourot, diábí tobatúmai in nongkon i monia in mobuḻi. Akuoi, ki Tuhan, ain nosingog.”

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEHEZKIEL 34:25

Akuoi in momiabí kon dodandian takin i monia, inta noḷukad kon kobiagan monia. Untunon-Kubí in bayongan mahaḷuk moraat nongkon sinangkub in butá, dá domba-Ku mita in mogutun moodom kon rawang mita bo mosiug kon kayuon mita.

YEHEZKIEL 34:28

Mosia in diá bidon pogagowan in bangusa mita inta diá nonotaau kon i-Nakó, andeka domokon in mahaḷuk mita moraat. Mosia in mobiag bidon motompia bo mooyúon, bo diá bidon in tobatúmai in intau in mopogogondok kon i monia.

YEHEZKIEL 38:11

Iko in monantúdon kon monubu kon butá inta diá dininding tatua, inta intaunea mita nogutun takin pia-pia mako bo notompia kon kotá mita inta diá dininding bo diá doman in pakakat mita in parang.

YEHEZKIEL 39:26

Aka mosia in mogutundon bui takin moodom kon butá monia tontaní, bo diádon tobatúmai in intau in mopogogondok kon i monia, dá koḻiongandon monia kon dodai in mosia pinokopo oyámai popisí in nonoḻikudon kon i-Nakó.

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

MIKHA 5:3

Aka pongawasa tatua mamangoi, Sia in momarentabí kon umat-Nea podoyon kon ropot bo kawasa nongkon i Tuhan Allahnea tontaní. Umat-Nea in mobiagbí moodom, popisí in bayongan in intau kon dunia naa in mongakubí kon kawasa-Nea,

ZEPANYA 3:13

Intau in Israel inta kiagatnea, diá bidon mogaid bui kon inta moraat kon i inekabí; mosia in diá bidon monguboḷ bui bo diá bidon bui mongakaḷ. Mosia in mobiag bidon motomoman bo motompia, bo diá bidon angoian in ondok kon i inekadon.”

ZAKHARIA 3:10

Aka singgai tatua moiangoi, pomuḷoi in intau in mogoiníbí kon topodiugneamai sin mamangoi motarima kon dame bo kobiagan motompia kon yua-yuak in gobá mita in anggur bo pangkoi mita in aramu.”