MIKHA 3:3 - Alkitab Singog In Mongondow Masa In Tanaa

³ Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.

MIKHA 3:3 Iomraidhean Croise

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

AMSAL 30:14

Oyúon in intau in motayak kon pakéon pongin aid inta moromú; mosia in moraat bo mogagow kon intau bogá bo intau moyangkó.

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YESAYA 3:15

Nongonu sin moiko in mondorotbí kon umat-ku bo momakisa mogamá kon kapunyaan in intau bogá? Akuoi, ki Tuhan Inta Totok in moḷantud bo Totok in mokawasa ain noguman.”

YEHEZKIEL 11:3

Manangka intua potaaudon in koyow-Ku soaḷ hukuman kon i monia, ei intau inta ilo-ilow. Sin mosia in moguman, ‘Diádon moongot baḷoi mita tanaa in posindogon bui. Kotá tanaa in kuyon bo kita naa in ponoyá kon bonunea. Kita in moamanbí nongkon torú in tuḷú sin kita in inoḻingoian in kuyon tanaa.’ ”

YEHEZKIEL 24:4

Bonu in ponoyá kon bonunea piḻí in ponoyá inta totuu mopia; tapú in obaganea bo paanea takin tuḷan mita inta nobayong in bobubutonnea.

AMOS 8:4

Indongogaidon, ei moiko inta nondorot kon intau bogá kon butá tanaa nodapot in mosia noyopú!

MIKHA 2:8

Ki Tuhan in notubag, “Moikobí inta monubu kon umat-Ku naonda bo musung. Intau in mobui nongkon pinoparangan takin kamang mokorasa kon moaman kon baḷoinea, bokaka kon tua moiko in modapotbí in mogoḷat mako sin mogagow kon baḷoinea.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.