MIKHA 2:8 - Alkitab Singog In Mongondow Masa In Tanaa

⁸ Ki Tuhan in notubag, “Moikobí inta monubu kon umat-Ku naonda bo musung. Intau in mobui nongkon pinoparangan takin kamang mokorasa kon moaman kon baḷoinea, bokaka kon tua moiko in modapotbí in mogoḷat mako sin mogagow kon baḷoinea.

MIKHA 2:8 Iomraidhean Croise

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

MAZMUR 55:20

Ki Allah inta nomarenta nongkon pinomangkoian in mongindongogbí kon inakó bo monaḷow kon i monia. Sin mosia in doíbí tumobat, bo diá moondok kon i Allah.

YEREMIA 12:8

Umat inta piniḻí-Ku noḷawang kon i-Nakó; naonda bo singa kon kayuon natuata in mosia moganggor kon i-Nakó. Tuamai in Akuoi morongó kon i monia.

MIKHA 3:2

táe nouḻí magí kinodoí bidon monimu onu inta mopia, bo mopia in gina monimu kon inta moraat. Bangusaku in iningkuḻitan monimu sibiag, bo iyambit monimu in tapúnea nongkon tuḷannea mita.

MIKHA 3:3

Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.