MIKHA 2:5 - Alkitab Singog In Mongondow Masa In Tanaa

⁵ Tuamai, aka moiangoidon in wakutunea butá tatua pobuiondon kon i umat i Tuhan, diábí tobatúmai nongkon i monimu in motarima kon tonsilainea.

MIKHA 2:5 Iomraidhean Croise

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

TAWARIKH 1 16:18

Guman-Nea, “Butá in Kanaan in ogoi-Kubí kon inimu mobaḻí budel kapunyaanmu.”

NEHEMIA 7:61

Kon sigad in intau mita inta nobuat nongkon kotá mita in Tel-Melah, Tel-Harsa, Kerub, Adon bo Imer, in 642 in intau inta noituot kon inanakan i Delaya, i Tobia, bo i Nekoda; táe diá in bukti inta motaau monia ogoi kon mosia in buí in bangusa Israel.

MAZMUR 16:6

Totuubí mogaga in inta inogoi-Mu kon inakó, totok in mokosanang kon ginaku!

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

PINOGIAPAN 34:13

Ki Musa noguman kon bangusa Israel, “Tuata in butá inta bain tarimaanmu podudui in undi, butá inta podudui in parenta i Tuhan in musti silaion kon siow bo tobotak in suku bangusa Israel.

PINOGIAPAN 34:16

Ki Tuhan noguman kon i Musa,

ULANGAN 23:2

Intau inta pinononggadí kon ḷuai in nika bo bayongan in buínea modapot in bui noginpuḷú, diábí motaau iapon umat i Tuhan.

ULANGAN 23:8

Pinangkoi kon buí nogintoḷu bo moidudui kon tua mosia tua in motaaubí mobaḻí umat i Tuhan.”

ULANGAN 32:8

Kon dodai in ki Inta Totok in Moḷantud nosilai kon butá, batúan bangusa sinantúdon in butánea takin ilah tobatú in nobaḻí pongawasa.

YOSUA 18:10

Bo nopogonik in undi in ki Yosua sin monotaau kon onu in sinantú i Tuhan kon i monia. Nopaḷut mako kon tua ki Yosua nobogoi in tonsilai butá kon batúan in suku bangusa Israel inta diápa nokouḻí kon tonsilai butá.

YOSUA 18:4

Pomiḻídon kon intau tumototoḷu in kon batúan in suku. Potabákudon in mosia mayá monaridi kon bayongan in butá tanaa sin momais kon sigad mita in butá mita inta koibog monia mobaḻí kapunyaan monia. Mopaḷut mako kon tua, mosia in musti mobui mangoi kon inakó.