MIKHA 2:4 - Alkitab Singog In Mongondow Masa In Tanaa

⁴ Ukurmu in pakéondon in intau mobaḻí posigidan, bo mosia in momiadon kon dondong ponogumatoian nanaa, ‘Ki Tuhan in norimumudon kon butá nami tanaa bo mobogoi kon i monia inta nodakop kon inami. Kami in norimumudon komintan.’ ”

MIKHA 2:4 Iomraidhean Croise

SAMUEL 2 1:17

Nopaḷut mako kon tua ki Daud nopodondong in amui tanaa kon i Saul bo kon i Yonatan,

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

AYUB 27:1

Ki Ayub in nongingguput kon tosingogonnea, kainia, “Pinodoyon kon i Allah inta nobiag, inta diá nobogoi in moadil kon inakó,

YESAYA 14:4

Aka ki Tuhan mopoaidon in tua yo mosia in mopoḷoḻekebí kon datu in Babel nanaa, “Datu inta moromú ain noḷabú! Sia in diá bidon motaau mondorot.

YESAYA 24:3

Butá in moiraritdon bo rimumudon. Ki Tuhan ain noguman, bo tua in notantú bidon kon mobaḻí.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

YEREMIA 6:12

Baḷoi monia in ogoibí kon intau ibanea, natua doman in gobá bo buḷoi bobay mita monia. Intau mita kon butá tanaa in hukumon-Ku.

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEREMIA 9:16

Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”

YEHEZKIEL 16:44

Ki Tuhan in noguman, “Ei Yerusalem, intau mita in mopotugatdon in tosingogon tanaa kon inimu, ‘Naonda bo ki inánea, natua doman in ki adínea bobay.’

YEHEZKIEL 2:10

inta pinaisan kon posiḷosi. Bo binukánea in ḻitodan tatua bo kon tua noipais in ombaḷ, amui bo ongot.

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YOËL 1:8

Pongombaḷdon, ei umat, naonda bo mongodeaga inta norobonoḷ in dodob inta nongombaḷ kon kinopatoian i kantangnea inta kinotabinea.

AMOS 5:1

Indongogaidon ei umat in Israel! Akuoi in mopodondongdon in kon inimu in tobatú dondong pinatoian:

AMOS 5:17

Kon bayongan gobá in anggur, intau in moguangbí popisí in Akuoi in mamangoi bo mohukum kon i monimu. Akuoi, ki Tuhan, ain nosingog.”

MIKHA 1:15

Ei intau in Maresya, Ki Tuhan in moposarakan kon i monimu kon musung inta mopotungkud in kotámu. Itoi mita in Israel inta nongawasa in mogadop kon bonu in angob mita kon Adulam.

MIKHA 1:8

Tuamai in akuoi, ki Mikha, morobonoḷdon in ginaku bo mogamui. Akuoi in mayá takin diá mogiḷambung bo diá in aip in sioḷ sin moponiata kon totok in morobonoḷ in ginaku. Akuoi in mogayowdon naonda bo ungkú in kayuon bo mogayow naonda bo ḷagapan unta.

MIKHA 2:10

Sindogdon bo bayá; kon naa in diádon moaman. Dosamu mita in nokopoangoidon kon anib inta mokokoningkim kon tudu in tampat tanaa.

HABAKUK 2:6

Táe bayongan inta ain pinotungkudnea tatua in monigidbí bo mopoḷoḻeke kon inia. Mosia in moguman nanaa, “Kinutukdon in iko sin nomontuyungdon kon pakakat inta deeman iko in kitogi! Dapotpa in toonu in iko in mopooyúon kon inimu tontaní pongin aid momakisa kon intau mita inta koboḻi kon inimu moguboḻi kon boḻi monia?”

ZEPANYA 1:2

Ki Tuhan in noguman, “Daiton-Kubí yompaton in bayongan onu inta kon butá:

PINOGIAPAN 23:18

bo ki Bileam nopotaau in onu inta mobaḻí naa, “Ei, Balak, adí i Zipor, koḻigai kon naa, indongogaipa onu inta pogumanku naa.

PINOGIAPAN 23:7

Bo ki Bileam nopotaau kon onu inta mobaḻí naa, “Nongkon Aram, buḷud kon pomukaan tatua, ki Balak, datu in Moab mogoiní kon inakó, kainia, ‘Angoipa, posingogpa kon inakó. Kutukpa in bangusa Israel tatua!’

PINOGIAPAN 24:15

Bo ki Bileam nopotaau in onu in mobaḻí tua, “Naa in koyow i Bileam, adí i Beor; tosingogon in intau inta mosindap in mata

PINOGIAPAN 24:3

bo sia in nopotaau kon onu inta mobaḻí moiduduimai, “Naadon in koyow i Bileam, adí i Beor, tosingogon in intau tobatú inta mosindap in mata

MARKUS 12:12

Dá itoi mita Yahudi inta nokodongog kon poumpamaan tatua, moḷongasidon totok modomok kon i Yesus, sin kinotaauan monia kon poumpamaan tatua pinopomakusudbí i Yesus kon i monia. Táe moondok in mosia kon intau moantó. Dá sinaḷáanmai monia in ki Yesus.

ULANGAN 28:29

Singgai moiko in mayá takin mongokap naonda bo intau bilog, táe diábí mokouḻí kon daḷan. Bayongan in totayakmu diábí in mangaḻenea. Moiko in tantú bidon doroton bo pogagowan, bo diábí in motuḷung kon i monimu.