MIKHA 2:10 - Alkitab Singog In Mongondow Masa In Tanaa

¹⁰ Sindogdon bo bayá; kon naa in diádon moaman. Dosamu mita in nokopoangoidon kon anib inta mokokoningkim kon tudu in tampat tanaa.

MIKHA 2:10 Iomraidhean Croise

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

TAWARIKH 2 7:20

dá poḷuaion-Kubí in moiko nongkon butá inta ain inogoi-Ku kon i monimu. Taḷaan-Ku doman in baḷoi tanaa inta ain sinantú-Ku nobaḻí tampat ibada kon i-Nakó. Kon ondakabí yo baḷoi tanaa in singkuḻeonbí bo kosingan.

MAZMUR 106:38

Mosia in nopobutak in dugú in intau diá kotaḷá, dugú i adí mita monia tontaní, sin pokuruban kon berhala mita; dá butá tatua in kinotor monia.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

YEREMIA 10:18

Kon tanaa ki Tuhan in mopogambatdon in bayongan bangusa in Yohuda kon poḷumbúan; moiko komintan in daiton-Neabí rimumudon. Tuata in koyow nongkon i Tuhan.

YEREMIA 3:2

Ḷangagka, kon tudu mita in buḷud! Tampat táonda inta diápa dodai in onda in inangoianmu sin sumundaḷ? Naonda bo intau in Arab kon padang gurun, natuata in iko ḻimitú kon bingkí in daḷan mogoḷat mako kon intau inta moibog mopogogitog kon totabian. Iko in moponajis in butá tanaa pongin tuaḻing bo aidmu inta moraat.

YEREMIA 9:19

Kon Sion kinodongogan in ombaḷ, “Moputú in kita bo totok in pinokopo oyámai. Butá naton musti taḷaan naton, baḷoi mita naton norimumud posirarit.”

YEHEZKIEL 36:17

“Ei intau ilo-ilow, kon dodai in intau mita in Israel nogutun kon butá monia tontaní, kinotorandon monia in aid bo dodia monia. Inanggap-Kubí kon dodia monia tua in poton, naonda bo bobay inta inangoinea.

YEHEZKIEL 36:19

Mosia in ihukum-Ku pinodoyon kon kobobiag bo dodia monia, bo pinorarit-Ku in mosia kon butá mita in intau ibanea.

ULANGAN 12:9

sin moiko in diápa sinumuot kon butá inta inogoi i Tuhan Allahmu kon inimu, tampat inta mopia pogutunanmu.

ULANGAN 30:18

yo notantú bidon kon yopúon in moiko, bo kobiaganmu in diábí moonggot kon butá inta diádon moonggot in ḻitúan monimu. Toropdon! Tua in pinotaaukudon kon i monimu singgai naa.

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.